फेब्रुवारी महिना प्रेमाचा महिना म्हणून ओळखला जातो. या महिन्यात व्हलेंटाइन वीक साजरा केला जातो. व्हलेंटाइन वीकमध्ये प्रत्येक डे ला विशेष महत्त्व असते. पहिला डे ‘रोझ डे’ असतो. त्यानंतर ‘प्रपोज डे’ असतो. व्हॅलेंटाइन वीकच्या दुसऱ्या दिवशी ‘प्रपोज डे’ साजरा केला जातो. अनेकजण यादिवशी आपल्या अव्यक्त प्रेमाच्या भावना पार्टनरला सांगतात. काही प्रेमी या दिवसाची आतुरतेने वाट पाहत असतात, जेणेकरून ते त्यांच्या जोडीदारासमोर त्यांच्या भावना व्यक्त करू शकतील. तुम्हालाही तुमच्या जोडीदाराला हटके स्टाइलने प्रपोज करायचे आहे आणि आयडियाच्या शोधात असाल तर ही बातमी तुमच्यासाठी. आज आम्ही तुम्हाला प्रपोज करण्याच्या काही भन्नाट आयडिया सांगणार आहोत, ज्यामुळे पार्टनर नक्कीच खुश होईल.
- तुमची भेट पहिल्यांदा ज्या ठिकाणी झाली असेल त्या ठिकाणी पार्टनरला घेऊन जा आणि तिथे प्रपोज करा. असे केल्याने तुमच्या जुन्या आठवणींना उजाळा मिळेल.
- तुमचे प्रेम व्यक्त करण्यासाठी रोमॅंटिक वातावरण असेल अशा ठिकाणी पार्टनरला घेऊन जावू शकता. कारण तुमची प्रेमकहाणी पुढे गेली तर ती जागा आयुष्यभरासाठी एक सुंदर स्मृती राहिल.
- पार्टनरला फुले आवडत असतील तर फुले देऊन तुम्ही नक्कीच तुमचं प्रेम व्यक्त करू शकता. प्रपोज करताना गुलाब सर्वच देतात. तुम्ही गुलाबाव्यतिरिक्त लिली, डेझी, ट्युलिप देऊन प्रपोज करू शकता. ही नक्कीच हटके स्टाइल असेल.
- पार्टरनला प्रपोज करण्यासाठी डिनरचा प्लॅन करणे बेस्ट असेल. एखाद्या मस्त रेस्टॉरंटमध्ये टेबल बुक करा. डिनर करताना रिंग देऊन प्रपोज करता येईल.
- तुमच्या दोघांचा फोटो, आवडीचे गिफ्ट देऊन प्रपोज करू शकता. यामुळे तुमचा पार्टनर नक्कीच खुश होईल.
- तुम्ही पार्टनरला डिजिटल प्रपोज करू शकता. एकत्र घालवलेले क्षण, रील, व्हिडिओ शेअर करून प्रपोज करता येईल.
- समुद्रकिनाऱ्यावर प्रपोज करणे खूपच रोमॅंटिक राहिल. सूर्यास्ताच्या वेळी चालताना अचानक प्रपोज करून पार्टनरला सुखद धक्का देऊ शकता.
- पजल प्रपोज करणे सध्या ट्रेंडिगवर आहे. पजल प्रपोजमध्ये प्रश्न असे विचारा की, पार्टनरच्या उत्तरातून तुम्हाला होकार मिळेल.
हेही पाहा –