कोणत्याही रिलेशनशिपची सुरुवात करणे अत्यंत सोपे असते. मात्र ते टिकवून ठेवणे फार मुश्किल असते. यासाठी तुम्हाला पार्टनरचा लहान-मोठ्या गोष्टी सांभाळून घ्याव्या लागतात. परंतु काही काळानंतर आपण पार्टनर आपल्याशी थोडासा वेगळा वागू लागता तर विचित्र वाटते. (Relationship advice)
रिलेशनशिपमध्ये फूट पडण्यामागे काही कारणे असू शकतात. मात्र जेव्हा भावनांबद्दल बोलले जाते तेव्हा नात्यात फूट पडणे सहाजिकच आहे. अशातच पार्टनरच्या पुढील काही सवयी सांगतात तो तुमचा आदर करत नाहीयं.
पार्टनरशी न बोलणे
एखादे रिलेशनशिप मजबूत बनवण्यासाठी दोघांमध्ये संवाद असणे अत्यंत गरजेचे असते. जेणेकरुन मनातील सर्व भावना एकमेकांना कळतील. परंतु तुमचा पार्टनर तुमच्याशी खुलेपणाने बोलत नसेल आणि एखाद्या महत्त्वाच्या मुद्द्याबद्दल बोलायचे झाल्यास तर त्यासाठी कारणे देत असेल तर याचा अर्थ असा होतो की, पार्टनर तुमचा अनादर करत आहे. याचा परिणाम नात्यावर सुद्धा होतो.
पार्टनरला वेळ न देणे
कोणतेही नाते मजबूत आणि दीर्घकाळ टिकवून ठेवायचे असेल तर एकमेकांना वेळ देणे अत्यंत गरजेचे असते. काम सर्वांकडेच असतात. मात्र जी आपल्या आयुष्यातील महत्त्वाची माणसे आहेत त्यांच्यासाठी जरुर वेळ काढला पाहिजे. जर तुमचा पार्टनर वारंवार मी व्यस्त असल्याचे कारण देऊन तुम्हाला वेळ देण्यास टाळत असेल तर समजून जा तो तुमचा अनादर करत असेल.
नात्यात एकमेकांना सपोर्ट न करणे
समोरच्या व्यक्तीला कंम्फर्टेबल आणि नात्यात विश्वास टिकवून ठेवायचा असेल तर एकमेकांना सपोर्ट करणे अत्यंत गरजेचे आहे. जर पार्टनर चुकीचा आहे तर त्याला सर्वांसमोर नव्हे तर एकट्यात काही गोष्टी समजावून सांगा अथवा त्याच्याकडून समजून घेण्याचा प्रयत्न करा. मात्र पार्टनर चुकला असेल आणि तुमचे काही ऐकून घेत नसे तर असे होऊ शकते की, तो तुमच्या भावनांचा आदर करत नसेल.
हेही वाचा- तुमच्यात ‘हे’ गुण असतील तरच मिळतो सन्मान
