प्रेम आंधळं असतं असे नेहमीच बोलले जाते. त्यामुळे समोरचा व्यक्ती आपल्यावर खरंच मनापासून प्रेम करतोय हे कधी कधी रिलेशनशिपमध्ये आल्यानंतर ही कळत नाही. पार्टनरला नेहमीच वाटत राहते तो व्यक्ती आपल्यावर खरं प्रेम करतोय. पण खरं असं असतं का? तुमचे प्रेम किती खरं किंवा खोटं आहे हे कसे ओळखाल? प्रत्येक नात्यात थोडं फार खोटं बोलतातच. काही वेळेस लोक नात्यात दूरावा येऊ नये म्हणून ही खोटं बोलतात. अथवा खोटं रिलेशनशिप बनवण्यासाठी ही खोटं बोलतात. (Relationship tips for fake love)
प्रेम
जो व्यक्ती तुमच्यावर मनापासून प्रेम करत तो तुमच्याकडून अधिक अपेक्षा ठेवत नाही. तर खोटं प्रेम करणारा व्यक्ती तुमच्यासोबत तडजोड करु इच्छित नाही.
वागणे
खोटं प्रेम असलेला व्यक्ती फार कपटी असतात. ते वेळेनुसार वाईट ही वागू शकतात. परंतु खरं प्रेम करणारा व्यक्ती तुमच्याशी नेहमीच उत्तम वागण्याचा प्रयत्न करेल. तुम्हाला समजून घेण्याचा प्रयत्न करेल.
भावना
खरं प्रेम करणारा व्यक्ती तुमच्या भावनांचा आदर करतो आणि त्याला तुमच्या भावना समजण्यास वेळ लागत नाही. उलट खोटं प्रेम दाखवणारा व्यक्ती तुमच्या भावना समजून घेण्यास असमर्थ असतो. तसेच तु्म्ही नाराज झालात तर त्यामागील कारण सुद्धा तो जाणून घेणार नाही.
विश्वास
खोटं प्रेम करणाऱ्या व्यक्तीला तुमच्या यशाबद्दल नेहमीच संशय वाटत असते. तर खरं प्रेम करणारा व्यक्ती तुमच्या प्रत्येक निर्णयाचे स्वागत करेल आणि तुमच्यासोबत राहिल. (Relationship tips for fake love)
खरं बोलणे
खोटं प्रेम करणारा व्यक्ती तुम्हाला नेहमीच कारणं देत राहिल. तो कधीच तुम्हाला खरं सांगणार नाही. पण खरं प्रेम करणारा व्यक्ती तुमच्याशी नेहमीच प्रामाणिक राहण्याचा प्रयत्न करेल. तो तुमचा आनंद कशात आहे हे पाहिल.
हेही वाचा- तुम्ही निगेटीव्ह लोकांच्या संपर्कात आहात का? असे ओळखा
