असं म्हणतात की, नाते जोडायला जितका कमी वेळ लागतो. त्याहून कमी नाते तोडायला वेळ लागतो. त्यामुळे नाते टिकवण्यासाठी आणि त्यातील नाविन्य जपण्यासाठी एकमेकांच्या चुका सांभाळून घेणं आवश्यक आहे. नाहीतर नात्यावर नकारात्मक परिणाम होतात. पण, कधी कधी कळत-नकळत एक छोटीशी चूक नात्यामध्ये वादविवाद निर्माण करण्यास कारणीभूत ठरते. काहीवेळा नात्यात गैरसमज निर्माण व्हायला तिसरी व्यक्ती कारण ठरते. असं म्हणतात की या सर्व परिस्थितीला तुमच्या काही सवयी असू शकतात. त्यातील सर्वात मोठी सवय म्हणजे काहीच गुप्त न ठेवणे. आजच्या या लेखात आम्ही तुम्हाला नात्यातील कोणत्या गोष्टी गुप्त ठेवणे फायद्याचे ठरेल हे सांगणार आहोत.
कौटुंबिक वादविवाद –
नाते दिर्घकाळ टिकवण्यासाठी काही महत्त्वाचे नियम सांगितले जातात. त्यातील पहिला नियम कौटुंबिक वादविवाद तिसऱ्या व्यक्तीपर्यत न पोहोचवणे असे आहे. जर तुमचे तुमच्या पार्टरनसोबत वादविवाद होत असतील किंवा कुटूंबियासोबत तुमचे पटत नसेल तर ही गोष्ट तिसऱ्या कानाला कळू देऊ नये. म्हणजेच तिसऱ्या व्यक्तीपर्यत ही गोष्ट कळू देऊ नये. कारण हा तुमचा वैयक्तिक प्रश्न आहे, जो तुम्ही सोडवायला हवा.
आर्थिक स्थिती –
जर तुम्हाला सतत पैशांची चणचण भासत असेल तर ही बाब तुमच्यातच ठेवायला हवी. इतरांसोबत शेअर करून त्याचे भांडवल करू नये. उदाहरण द्यायचे झाल्यास, समजा तुमच्या पतीला तुमच्यापेक्षा कमी पगार असेल तर ही बाब तुम्ही इतरांसोबत शेअर करू नये. कारण यामुळे तुमच्या पार्टनरचे मन दुखावू शकते.
क्वालिटी टाइम –
हल्ली अनेकांना पार्टनरसोबत घालवलेले क्षण सोशल मीडियावर शेअर करायची सवय असते. पण, यामुळे नात्यावर नकारात्मक परिणाम होऊ शकतो. चुकूनही या गोष्टी मित्र-मैत्रिणीसोबत शेअर करू नये. कारण ही तुमची खासगी बाब आहे.
पार्टनरचे सिक्रेट –
जर तुमच्या पार्टनरचे कोणतेही सिक्रेट असेल तर कोणालाही सांगू नये. कारण काही गोष्टी तुम्ही आणि तुमच्या पार्टनरमध्ये राहणे आवश्यक आहे. यामुळे गैरसमज निर्माण होऊ शकतात.
हेही पाहा –