अनियमित जेवणामुळे अॅसिडिटीचा त्रास होण्यास सुरुवात होते. अॅसिडिटीमुळे पोटदुखी, छातीत जळजळ, डोके दुखणे अशा अनेक समस्या निर्माण होतात. अशा या त्रासदायक अॅसिडिटीला दूर करण्यासाठी करा हे घरगुती उपाय…
अॅसिडिटी आणि गॅस दूर करण्यासाठी पाणी हा त्यावर एक रामबाण उपाय आहे. दररोज ८ ते १० ग्लास पाणी प्यायल्याने अॅसिडिटी झाल्यास ती कमी होण्यास मदत होते.
अॅसिडिटी झाली असेल तर काही खाल्यानंतर थोडासा गुळ खावा. यामुळे अॅसिटीडी कमी होते.
अॅसिडिटीवर तुळशीची पाने एक उत्तम उपाय आहे. नियमित तुळशीच्या पानांचे सेवन केल्याने अॅसिडिटी होत नाही.
अॅसिडिटी झाल्यास मुळ्यावर लिंबू आणि काळेमीठ घालून तो मुळा खावा. यामुळे अॅसिडिटीचा त्रास कमी होतो.
अॅसिडिटी झाल्यास फ्रिजमधील थंडगार दूधामध्ये बर्फ घालून ते दूध प्यायल्याने अॅसिडिटी कमी होते. त्याचबरोबर दुधात मनुका घालून दूध उकळून ते थंड करुन प्यावे यामुळे अॅसिडिटीपासून त्वरित आराम मिळतो.
नियमित जेवणानंतर लवंग चघळल्यास अॅसिडिटीपासून आराम मिळतो.
