प्रत्येक मुलीला सुंदर दिसण्याची इच्छा असते. अशा परिस्थितीत, त्वचा निरोगी ठेवण्यासाठी त्वचेची योग्य काळजी घेणे आवश्यक आहे. चमकदार त्वचा मिळवण्यासाठी बरेच लोक घरगुती उपायांचा वापर करतात, तर बरेच लोक बाजारात उपलब्ध असलेल्या उत्पादनांवर अवलंबून असतात. मात्र, बाजारात उपलब्ध असलेल्या उत्पादनांमध्ये अनेक रसायनं असतात जी त्वचेला हानी पोहोचवू शकतात. तसं पाहायला गेलं तर आजकाल सीरम हा स्किन केअरचा एक महत्त्वाचा भाग बनला आहे. ज्यामुळे त्वचेला आवश्यक पोषण मिळते. जर तुम्ही सीरम वापरत असाल तर तुम्हाला ते अप्लाय करण्याची योग्य पद्धत देखील माहित असणं आवश्यक आहे. कारण चुकीच्या पद्धतीचा अवलंब केल्यास त्वचेला फायद्याऐवजी नुकसान होऊ शकते. जाणून घेऊया सीरम वापरताना कोणत्या चुका टाळायला हव्यात याविषयी.
योग्य सीरम निवडा :
प्रत्येकाची त्वचा वेगळी असते. काही लोकांची त्वचा तेलकट असते तर काहींच्या त्वचेवर जास्त कोरडेपणा असतो. तुमच्या त्वचेचा प्रकार आणि त्याची गरज लक्षात घेऊन तुम्ही सीरम खरेदी करायला हवे. तुमची त्वचा कोरडी असेल आणि तुम्ही ऑईल कंट्रोल सीरम वापरत असाल तर ते तुमच्या त्वचेला हानी पोहोचवू शकते. याकरता तुम्ही त्वचारोग तज्ज्ञाचा सल्ला देखील घेऊ शकता.
चेहरा धुतल्यानंतरच सीरमचा वापर करा :
जेव्हा तुम्ही तुमच्या चेहऱ्यावर सीरम लावाल तेव्हा ते साध्या पाण्याने धुवा. जर तुम्ही तुमचा चेहरा धुतला नाही तर सीरम त्वचेत शोषले जाणार नाही. चेहऱ्यावर साचलेली धूळ तुमच्या त्वचेसाठी हानिकारक असते. आम्ही तुम्हाला सांगतो की स्वच्छ चेहऱ्यावर सीरम लावणे अधिक प्रभावी आहे.
जास्त सीरम लावणे टाळा :
जर तुम्ही जास्त प्रमाणात सीरम लावले तर ते तुमचे छिद्र रोखू शकते . बऱ्याच लोकांना असे वाटते की सीरम मोठ्या प्रमाणात वापरल्याने त्वचेवर लगेच परिणाम दिसू लागेल पण तसे नाही. जास्त प्रमाणात सीरम वापरल्याने त्वचेवर चिकटपणा किंवा जळजळ होऊ शकते. सीरमचे फक्त 2-3 थेंब पुरेसे आहेत.
सीरम चेहऱ्यावर फार घासू नका :
तुमच्या चेहऱ्यावर सीरम जोमाने चोळून लावणे तुमच्या त्वचेसाठी घातक ठरू शकते. यामुळे त्वचेवर ताण येतो आणि त्वचा खराब होऊ शकते. सीरम हलक्या हाताने लावावे. यामुळे ते त्वचेमध्ये चांगल्याप्रकारे शोषले जाईल.
चेहऱ्यावर दुसरे काहीही लावू नका :
जेव्हा तुम्हाला चेहऱ्यावर सिरम लावावे लागते तेव्हा चेहऱ्यावर इतर कोणतेही उत्पादन वापरणे टाळावे. चेहऱ्यावर सीरम लावल्यानंतर तुम्ही मॉइश्चरायझर वापरू शकता.
हेही वाचा : Health Tips : ही आहेत महिलांमध्ये कॅल्शिअम कमी असल्याची लक्षणे
Edited By – Tanvi Gundaye
