दुधी हा पोषणाने भरपूर आणि शरीरासाठी उपयुक्त असा भाजीपाला आहे. याच्या रसामध्ये जीवनसत्त्वे, खनिजे आणि अँटिऑक्सिडंट्स असतात. जे शरीरासाठी फायदेशीर ठरतात. रोज एक ग्लास दुधीचा रस प्यायल्याने पचन सुधारते. वजन नियंत्रित राहते आणि हृदयाचे आरोग्य चांगले राहते. आज आपण जाणून घेऊयात दुधीचा रस पिण्याचे फायदे
दुधीचा रस पिण्याची याेग्य वेळ
दुधी भाेपळयाचा रस पिण्याची उत्तम वेळ सकाळची असते. तुम्ही झाेपेतून उठून रिकाम्यापाेटी हा ज्यूस प्यायलात तर तुमच्या आराेग्याला खूप फायदा हाेईल
दुधीचा रस पिण्याचे फायदे
वजन कमी हाेण्यास मदत
दुधीचा रस कमी कॅलरी आाणि फायबरयुक्त असल्याने पचन सुधारते आणि वजन नियंत्रित राहते.
शरीराला थंडावा मिळताे
दुधीचा रस प्यायल्याने शरीराला थंडावा मिळताे. दुधी थंडसर असल्याने उन्हाळयात शरीरातील उष्णता नियंत्रित राहते आणि डिहायड्रेशन देखील होत नाही.
रक्तदाब नियंत्रणात राहतो
पोटॅशियम आणि कमी सोडियम असलेल्या दुधीच्या रसामुळे उच्च रक्तदाब (BP) नियंत्रित राहतो.
हृदयाच्या आरोग्यास फायदेशीर
कोलेस्ट्रॉल आणि ट्रायग्लिसराइड्स नियंत्रित ठेवण्यास मदत होते, ज्यामुळे हृदय निरोगी राहते.
त्वचा आणि केसांसाठी फायदेशीर
दुधीचा रस आपल्या त्वचेसाठी आणि केसांसाठी खूप फायदेशीर आहे. हे शरीरातील टॉक्सिन्स बाहेर टाकून त्वचा चमकदार बनवते आणि केसांचे गळणे कमी करते.
मधुमेहासाठी फायदेशीर
मधुमेह रुग्णांसाठी दुधीचा रस अत्यंत फायदेशीर आहे. हे साखर नियंत्रणात ठेवण्यास मदत करते.
टीप
- दुधीचा रस ताजा आणि प्रमाणातच प्यावा.
- कडसर दुधीचा रस पिणे टाळावे, कारण तो विषारी असू शकतो.
- वैद्यकीय सल्ला घेऊनच नियमित सेवन करावे, विशेषतः जर कुठलीही शारीरिक समस्या असेल तर.
हेही वाचा : Detox Water : बेली फॅट कमी करण्यासाठी डिटॉक्स वॉटरचा पर्याय
Edited By : Prachi Manjrekar