हिवाळा ऋतूत स्त्रिया आपली त्वचा चमकदार ठेवण्यासाठी अनेक प्रकारची उत्पादने वापरतात. पण, या उत्पादनांचा वापर बंद केल्यानंतर चेहऱ्याची चमक कमी होते. हिवाळ्यात त्वचा कोरडी आणि सुजलेली दिसते. हिवाळ्यात चेहऱ्याची चमक कायम ठेवण्यासाठी काही टिप्स जाणून घेऊयात. या टिप्स फॉलो केल्याने हिवाळ्यात चेहऱ्याची चमक दिवसभर राहील. चेहऱ्याची चमक कायम ठेवण्यासाठी तुम्ही तुमच्या स्किन केअर रूटीनमध्ये या टिप्सचा समावेश करू शकता.
सकाळी आणि संध्याकाळी करा हे काम :
थंडीमध्ये सकाळी उठल्यानंतर आपला चेहरा पूर्णपणे स्वच्छ करा आणि यासाठी क्लिंजर वापरा . क्लिंजरच्या मदतीने चेहऱ्यावर साचलेली धूळ साफ होते आणि क्लिंजरचा योग्य वापर केल्यास चेहऱ्याशी संबंधित समस्या कमी होतात आणि चेहऱ्यावर चमकही येते. तुम्ही तुमच्या त्वचेच्या प्रकारानुसार क्लिंजर निवडू शकता. क्लिंजरच्या निवडीकरता तुम्ही तज्ज्ञांची मदतही घेऊ शकता.
सकाळी- संध्याकाळी आपला चेहरा मॉइस्चराइज करा :
चेहऱ्याची चमक कायम ठेवण्यासाठी आणि कोरडेपणा दूर करण्यासाठी, मॉइश्चरायझर वापरा. मॉइश्चरायझर वापरला गेला तर त्वचेची आर्द्रता टिकून राहते आणि त्वचा हायड्रेटेड देखील राहते. चेहरा धुतल्यानंतर मॉइश्चरायझर वापरा आणि यासाठी सर्वोत्तम मॉइश्चरायझर निवडा. रात्री झोपण्यापूर्वीही तुम्ही मॉइश्चरायझरचा वापर करू शकता.
आठवड्यातून दोन दिवस फेस ऑइल वापरा :
हिवाळ्याच्या मोसमात तुमची त्वचा चमकदार ठेवण्यासाठी आठवड्यातून दोन दिवस फेस ऑइल वापरा. चेहऱ्याचे तेल त्वचेचे संरक्षण करण्याचे काम करते आणि त्याचा योग्य वापर केल्याने चेहऱ्यावर चमकही येते.
हिवाळ्यात करा डबल क्लिंजिंग :
हिवाळ्यात तुमची त्वचा मऊ ठेवण्यासाठी, तुमचा चेहरा दुहेरी स्वच्छ करा. तुम्ही सकाळी आणि संध्याकाळी तुमचा चेहरा पूर्णपणे स्वच्छ केला पाहिजे. चेहरा स्वच्छ करण्यासाठी कोमट पाणी वापरा आणि नंतर मॉइश्चरायझर वापरा.
बाहेर जाताना सनस्क्रीन वापरा :
हिवाळ्यामध्ये चेहऱ्याची चमक कायम ठेवण्यासाठी बाहेर जाताना सनस्क्रीनचा वापर करावा . सनस्क्रीन वापरल्याने सूर्याच्या हानिकारक किरणांपासून तुमचे रक्षण होऊ शकते आणि त्यामुळे तुमचा चेहरा उन्हापासूनही वाचतो. तुम्ही दर 4 तासांनी सनस्क्रीन वापरू शकता. तुमच्या त्वचेच्या प्रकाराप्रमाणे तुम्ही हे मॉइश्चरायझर निवडू शकता.
हेही वाचा : Copper Saree designs : पार्टीवेअर लूकसाठी ट्राय करा ट्रेंडी कॉपर साडी डिझाईन्स
Edited By – Tanvi Gundaye
