आपण हेल्दी आणि निरोगी रहावे म्हणून विविध उपाय करतो. मात्र कधीकधी असे होते की, कितीही काही केले तरीही समस्या उद्भवतेच. अशातच जर तुमच्या नखांवर पिवळसर डाग पडले असतील तर त्याकडे लक्ष द्या. कारण हे एखाद्या गंभीर आजाराचे संकेत असू शकतात. याला नेल सिंड्रोम नावाने ओळखले जाते. याबद्दल एक्सपर्ट्स काय म्हणतात हे पाहूयात.
येलो नेल सिंड्रोम म्हणजे काय?
येलो नेल सिंड्रोम एक प्रकारचा दुर्मिळ आजार आहे. त्यामध्ये हातापायांची नखं पिवळी होतात. हळूहळू नखांची चमक निघून जाते आणि कठोर होतात. ही समस्या फार कमी लोकांमध्ये दिसते. यामुळे कोणत्याही वयातील व्यक्ती प्रभावित होऊ शकतो. खरंतर वयाच्या चाळीशीनंतर ही समस्या दिसून येते. जी लोक पल्मोनरी आणि लिम्फेटिक सिस्टिमच्या समस्येचा सामना करत आहेत त्यांच्या नखांवर पिवळसर रंग येतो. या व्यतिरिक्त शरीरात काही पोषक तत्वांच्या कमतरतेमुळे ही समस्या होऊ शकते.
या समस्येमुळे दिसतो नखांवर पिवळसर रंग
लिम्फेटिक सिस्टिम शरीर स्वच्छ करण्याचे काम करते. हे शरीरात फ्लूइडला संतुलित राखतात. तर जे व्यवस्थितीत काम करत नसेल लिम्फ नोड्समध्ये सूज येते. त्यालाच लिम्फेडेमा असे म्हटले जाते. याच्या कारणास्तव नखांवर पिवळे डाग येऊ शकतात. तसेच फुफ्फुसांजवळ असलेले थिन मेंब्रेनजवळ तरल पदार्थ विकसित होऊ लागतात. या स्थितीला फ्ल्युरल एफ्युजन असे म्हटले जाते. या समस्येच्या कारणास्तव श्वास घेण्यास समस्या उद्भवते. यामुळे सुद्धा नखांवर पिवळसर डाग दिसून येतात. क्रोनिक ब्रोंकाइटिस, साइनोसाइटिस, किडनी, लिवर इंफेक्शन किंवा सोरायसिस पीडित लोकांमध्ये सुदअधा येलो सिंड्रोम दिसून येतो.
हेही वाचा- मेनोपॉजमध्ये वाढू शकते केस गळण्याची समस्या
