HomeमहामुंबईChhagan Bhujbal : राष्ट्रवादीच्या आढावा बैठकीला गैरहजर छगन भुजबळांनी घेतली मुख्यमंत्र्यांची भेट;...

Chhagan Bhujbal : राष्ट्रवादीच्या आढावा बैठकीला गैरहजर छगन भुजबळांनी घेतली मुख्यमंत्र्यांची भेट; म्हणाले…

Subscribe

मुंबई – राष्ट्रवादी काँग्रेसचे (अजित पवार) नाराज ज्येष्ठ नेते छगन भुजबळांसंबंधीची महत्त्वाची बातमी समोर येत आहे. माजी मंत्री छगन भुजबळ यांनी मुख्यमंत्री देवेंद्र फडणवीस यांची भेट मंगळवारी घेतली असल्याची माहिती आहे. छगन भुजबळ यांनी सागर बंगल्यावर जाऊन देवेंद्र फडणवीस यांची भेट घेतली. दोन्ही नेत्यांमध्ये तब्बल अर्धा तास चर्चा झाल्याची माहिती आहे. मंत्रीपद न मिळाल्यामुळे भुजबळ नाराज आहेत. मंत्रीपद नाकारल्यानंतर त्यांनी पक्षाने दिलेले सर्व प्रस्ताव त्यांनी नाकारले आहेत. दुसरीकडे मुख्यमंत्री देवेंद्र फडणवीस यांच्यासोबतची त्यांची जवळीक वाढली असल्याचे दिसत आहे. या भेटीनंतर राजकीय वर्तुळात चर्चेला उधाण आले आहे.

मुख्यमंत्र्यांच्या भेटीनंतर भुजबळ काय म्हणाले?

छगन भुजबळ यांनी आज सागर बंगल्यावर जाऊन देवेंद्र फडणवीस यांची भेट घेतली. त्यांनी अर्धा तास मुख्यमंत्र्यांसोबत चर्चा केली, या भेटीनंतर त्यांनी प्रसारमाध्यमांना प्रतिक्रिया देखील दिली आहे. ‘आज मी मुख्यमंत्र्यांना भेटायला आलो याच खरं कारण म्हणजे त्यांच्याकडे गृहमंत्रालय सुद्धा आहे, आणि आमच्या येवला पोलिसांना कवायत ग्राऊंडला भिंत टाकायची आहे, येवला पोलीस स्टेशनच्या पोलिसांसाठी घरं पाहिजे आहेत. आणि जादा पोलीस फोर्स पाहिजे. आमच्या इतर काही फायली देखील आहेत, उदाहरणार्थ आमच्या लासगाव कमिटीचं थोडं काम आहे. एस गाववरून आम्हाला येवल्याला पाणी आणायचं आहे त्याची फाईल आहे. हे मुख्यमंत्र्यांच्या सहीसाठी पडून आहे. त्या संदर्भात त्यांच्याशी चर्चा केली. बाकी राजकारणावर चर्चा करण्याचं काही कारण नाही, राजकारणावर काय चर्चा करणार? असं भुजबळ यांनी म्हटलं आहे.

दरम्यान दर मंगळवारी राष्ट्रवादीची आढावा बैठक होते, या बैठकीबाबत देखील भुजबळांना विचारण्यात आलं. यावर बोलताना जिथे माझी गरज नाही तिथे मी जात नाही, असं म्हणत त्यांनी बोलण टाळलं. तसेच तुम्ही अजूनही नाराज आहात का? असा सवालही त्यांना यावेळी करण्यात याला, त्यावर बोलताना ते म्हणाले मी नाराज आहे की नाही, किती नाराज आहे. हे कसं सांगता येईल. त्याचं थर्मा मीटर मला अजून तरी मिळालेलं नाहीये, अशी मिष्कील टिप्पणी देखील त्यांनी यावेळी केली. मंत्रीपद न मिळाल्यामुळे भुजबळ अजूनही पक्षाच्या नेतृत्तवावर नाराज असल्याचे त्यांच्या आजच्या भेटीवरुन दिसून आल्याची चर्चा आहे.

हेही वाचा : Bhujbal : ‘वर्षा बंगल्याच्या परिसरात रेड्याची शिंगे पुरली,’ राऊतांच्या दाव्यावर भुजबळांना हसू आवरेना, हात जोडला अन्…