HomeमहामुंबईमुंबईChhagan Bhujbal : राज्यपाल पदाला छगन भुजबळाचा स्पष्ट नकार; हे दिले कारण

Chhagan Bhujbal : राज्यपाल पदाला छगन भुजबळाचा स्पष्ट नकार; हे दिले कारण

Subscribe

मुंबई – महायुती सरकारमध्ये सर्वाधिक नाराज असलेले राष्ट्रवादी काँग्रेसचे (अजित पवार) ज्येष्ठ नेते छगन भुजबळ यांनी राज्यपाल पदाबद्दल महत्त्वाचे वक्तव्य केले आहे. छगन भुजबळ यांचा महायुती सरकारच्या पहिल्या मंत्रिमंडळ विस्तारात समावेश झालेला नाही. याबद्दल त्यांनी ज्यांनी मंत्रिमंडळात समावेश केला नाही, त्यांना या बद्दल विचारा असे म्हटले आहे. तर राज्यपाल पदी विराजमान होणे म्हणजे माझ्या तोंडाला कुलूप लावण्याचा प्रकार आहे. असे म्हणत भुजबळांनी राज्यपाल पद स्पष्टपणे नाकारले आहे.

राष्ट्रवादी काँग्रेसचे ज्येष्ठ नेते छगन भुजबळ यांची मंत्रिमंडळात वर्णी लागली नाही यामुळे ते नाराज आहेत. मात्र त्यांना राज्यसभेची ऑफर देण्यात आल्याचे त्यांनी मान्य केले. छगन भुजबळ म्हणाले, मला विधानसभेचा राजीनामा देण्यास सांगण्यात आले. पण येवल्याच्या जनतेला माझ्या लोकांना मी लगेच वाऱ्यांवर कसं सोडू असं मी म्हणालो. दोन वर्षांनी राज्यसभेचा विचार करु असेही ते म्हणाले.

राज्यपाल पदाबद्दल काय म्हणाले भुजबळ ?

छगन भुजबळ म्हणाले, मला राज्यपाल करणे म्हणजे माझ्या तोंडाला कुलूप लावण्याचा प्रकार आहे. राज्यपाल होऊन मी काय करू, असा उलट सवाल त्यांनी उपस्थित केला. ते म्हणाले की, “माझं काम गोरगरिबांच्या अडचणी सोडवणं आहे. ओबीसी, आदिवासी समाजासाठी त्यांच्या प्रश्नांसाठी भांडणं हे माझं काम आहे. राज्यपाल होऊन मी त्या समस्या सोडू शकणार आहे का? राज्यपाल पदाचा मला अपमान करायचा नाही. पण, मी असा मोकळा ठीक आहे, असे म्हणत त्यांनी राज्यपाल पद नको असे स्पष्टपणे सांगितले आहे.

लोकसभेलाही तिकीट देण्यास उशिर

लोकसभेवेळीही तिकीटासाठी उशीर केला. लोकसभा निवडणुकांवेळी तुम्हालाचा उभ राहावं लागेल एस मला सांगितले होते. नाशिकमध्ये तुम्ही चांगलं काम केल आहे, सर्व समाज आपल्यासोबत आहे. एक महिना झाला, पण माझ नाव जाहीर केलं नाही, त्यामुळेच मी लोकसभा निवडणुकीतून माघार घेतली. राज्यसभा आली तेव्हा मी म्हणालो राज्यसभेवर जातो. मात्र, सुनेत्रा निवडणुकीत पडलेल्या आहेत, त्यांना राज्यभेत पाठवलं. दुसरी राज्यसभा आली तेव्हा नितीन पाटील यांना करायचं, त्या व्यक्तीला मी ओळखतही नाही. यावेळी, स्वत: का निर्णय घेतला असा सवाल छगन भुजबळ यांनी उपस्थित केला आहे.

हेही वाचा : Namdev Shastri : नामदेव शास्त्री आदरणीय, पण असं विधान करु नये; जितेंद्र आव्हाडांनी व्यक्त केली नापसंती