HomeमहामुंबईमुंबईMumbai Water : मुंबईच्या सात भागात 30 तास पाणी पुरवठा बंद, कारण...

Mumbai Water : मुंबईच्या सात भागात 30 तास पाणी पुरवठा बंद, कारण काय?

Subscribe

नवीन 2400 मिलीमीटर व्यासाची जलवाहिनी कार्यान्वित करण्यासाठी महापालिका जलअभियंता खात्याकडून काम हाती घेण्यात येणार आहे. त्यामुळे 5 फेब्रुवारी 2025 रोजी सकाळी 11 ते 6 फेब्रुवारी 2025 रोजी सायंकाळी 5 वाजेपर्यंत म्हणजे 30 तासांच्या कालावधीत मुंबईच्या आसपासच्या विभागातील काही परिसरांचा पाणीपुरवठा राहणार बंद ठेवण्यात येणार आहे.

मुंबई : नवीन 2400 मिलीमीटर व्यासाची जलवाहिनी कार्यान्वित करण्यासाठी महापालिका जलअभियंता खात्याकडून काम हाती घेण्यात येणार आहे. त्यामुळे 5 फेब्रुवारी 2025 रोजी सकाळी 11 ते 6 फेब्रुवारी 2025 रोजी सायंकाळी 5 वाजेपर्यंत म्हणजे 30 तासांच्या कालावधीत (एस, एल, के/पूर्व , एच/पूर्व, आणि जी/उत्तर विभागांतील) भांडूप, कुर्ला, मरोळ, सांताक्रूझ, अंधेरी, वांद्रे/ पूर्व आणि धारावी, माटुंगा विभागातील काही परिसरांचा पाणीपुरवठा राहणार बंद ठेवण्यात येणार आहे. त्यामुळे सदर विभागातील नागरिकांनी आवश्यक पाणीसाठा करून त्याचा जपून व काटकसरीने वापर करावा, असे आवाहन मुंबई महापालिकेकडून करण्यात आले आहे. (Water supply to seven areas of Mumbai cut off for 30 hours)

पवई अँकर ब्लॉक ते मरोशी जलबोगदा (टनेल शाफ्ट) दरम्यान मुंबई महापालिकेमार्फत नवीन 2400 मिलीमीटर व्यासाची जलवाहिनी अंथरण्याचे काम पूर्ण झाले आहे. त्यामुळे 1800 मिलीमीटर व्यासाच्या तानसा पूर्व व पश्चिम या दोन जलवाहिन्या अंशतः खंडित करून नवीन 2400 मिलीमीटर व्यासाची जलवाहिनी कार्यान्वित करण्याचे काम हाती घेण्यात येणार आहे. त्यामुळे 5 फेब्रुवारी 2025 रोजी सकाळी 11 वाजेपासून ते 6 फेब्रुवारी 2025 रोजी सायंकाळी 5 वाजेपर्यंत, म्हणजेच एकूण 30 तास, जलवाहिनी कार्यान्वित करण्याचे काम सुरू राहणार आहे. या कालावधीत (एस, एल, के/पूर्व , एच/पूर्व, आणि जी/ उत्तर) भांडूप, कुर्ला, मरोळ, सांताक्रूझ, अंधेरी, वांद्रे/ पूर्व आणि धारावी, माटुंगा आदी विभागांतील काही परिसरांचा पाणीपुरवठा बंद राहणार आहे.

हेही वाचा – Aaditya Thackeray : एलफिन्स्टन पूल पाडण्याचे काम पुढे ढकला, आदित्य ठाकरेंची एमएमआरडीएला विनंती 

या विभागात पाणीपुरवठा बंद 

  • एस विभाग – श्रीरामपाडा, खिंडीपाडा, तुळशेतपाडा, मिलिंद नगर, नरदास नगर, शिवाजी नगर, मरोडा हिल, भांडुप (पश्चिम), गौतम नगर, फिल्टर पाडा, महात्मा फुले नगर, पासपोली गाव, तानाजीवाडी उदंचन केंद्र, मोरारजी नगर, सर्वोदय नगर, गावदेवी टेकडी, तुळशेतपाडा, टेंभीपाडा, नरदास नगर, रमाबाई नगर 1 आणि 2, साई हिल भांडुप जलाशय येथून होणारा पाणीपुरवठा (5 व 6 फेब्रुवारी 2025 रोजी पाणीपुरवठा पूर्णत: बंद राहील)
  • एस विभाग – क्वारी मार्ग, प्रताप नगर मार्ग, जंगल मंगल मार्ग, टेंभीपाडा, गावदेवी मार्ग, दत्त मंदीर मार्ग, लेक मार्ग, सोनापूर जंक्शन ते मंगतराम पेट्रोल पंपपर्यंतचा लालबहादूर शास्त्री मार्ग लगतचा परिसर, भांडुप (पश्चिम), शिंदे मैदान जवळील परिसर, प्रताप नगर मार्ग, फुले नगर टेकडी, रामनगर उदंचन केंद्र, रावते कंपाऊंड उदंचन केंद्र, हनुमान टेकडी, अशोक टेकडी, (नवीन हनुमान नगर) (6 फेब्रुवारी 2025 रोजी पाणीपुरवठा पूर्णत: बंद राहील)
  • एल विभाग – कुर्ला दक्षिण-काजूपाडा, सुंदरबाग, नवपाडा, हलावपूल, न्यू मील मार्ग, कपाडिया नगर, नवीन म्हाडा वसाहत, परिघखाडी, तकिया वॉर्ड, महाराष्ट्र काटा, गफुर खान इस्टेट, पाईप लाईन मार्ग, लालबहादूर शास्त्री मार्ग (पूर्व व पश्चिम), क्रांती नगर, संभाजी चौक, रामदास चौक, अण्णा सागर मार्ग (5 फेब्रुवारी 2025 रोजी पाणीपुरवठा पूर्णत: बंद राहील)
  • एल विभाग – कुर्ला उत्तर- 90 फीट रोड, कुर्ला-अंधेरी मार्ग, जरीमरी, घाटकोपर-अंधेरी जोडरस्ता, साकीविहार मार्ग, मारवा उद्योग मार्ग भाग, सत्यनगर पाईपलाईन (6 फेब्रुवारी 2025 रोजी पाणीपुरवठा पूर्णत: बंद राहील)
  • जी/उत्तर विभाग – धारावी मुख्य मार्ग, गणेश मंदीर मार्ग, दिलीप कदम मार्ग, जस्मीन मील मार्ग, माहीम फाटक, ए. के. जी. नगर (5 फेब्रुवारी 2025 रोजी पाणीपुरवठा पूर्णत: बंद राहील)
  • जी उत्तर विभाग – जस्मिन मील मार्ग, माटुंगा लेबर कॅम्प, संत रोहिदास मार्ग, 60 फीट मार्ग, 90 फीट मार्ग, संत कक्कया मार्ग, एम. पी. नगर धोरवडा, एम. जी. मार्ग, धारावी लूप मार्ग, ए. के. जी. नगर (6 फेब्रुवारी 2025 रोजी पाणीपुरवठा पूर्णत: बंद राहील)
  • के/पूर्व विभाग – विजय नगर मरोळ, मिलीट्री मार्ग, वसंत ओॲसिस, गावदेवी, मरोळ गाव, चर्च रोड, हिल व्ह्यू सोसायटी, कदमवाडी, भंडारवाडा, उत्तम ढाबा (5 फेब्रुवारी 2025 रोजी पाणीपुरवठा पूर्णत: बंद राहील)
  • के/पूर्व विभाग – ओमनगर, कांतीनगर, राजस्थान सोसायटी, साई नगर (तांत्रिक क्षेत्र) सहार गाव, सुतारपाखाडी (पाईपलाईन क्षेत्र) (6 फेब्रुवारी 2025 रोजी पाणीपुरवठा पूर्णत: बंद राहील)
  • के/पूर्व विभाग – आंतरराष्ट्रीय विमानतळ व सिप्झ- मुलगाव डोंगरी, एम. आय. डी. सी., मार्ग क्रमांक 1 ते 23, ट्रान्स अपार्टमेंट, कोंडीविटा, महेश्वरी नगर, उपाध्याय नगर, ठाकूर चाळ, साळवे नगर, भवानी नगर, दुर्गापाडा, मामा गॅरेज (5 व 6 फेब्रुवारी 2025 रोजी पाणीपुरवठा पूर्णत: बंद राहील)
  • के/पूर्व विभाग – चकाला, प्रकाश वाडी, गोविंद वाडी, मालपा डोंगरी क्रमांक 1 व 2, हनुमान नगर, मोटा नगर, शिवाजी नगर, शहीद भगतसिंग वसाहत (भाग), चरतसिंग वसाहत (भाग), मुकुंद रुग्णालय, तांत्रिक विभाग, लेलेवाडी, इंदिरा नगर, मापखान नगर, टाकपाडा, विमानतळ मार्ग क्षेत्र, चिमटपाडा, सागबाग, मरोळ औद्योगिक क्षेत्र, रामकृष्ण मंदीर रोड, जे. बी. नगर, बगरखा मार्ग, कांतीनगर (5 व 6 फेब्रुवारी 2025 रोजी पाणीपुरवठा पूर्णत: बंद राहील)
  • के/पूर्व विभाग – कबीर नगर, बामणवाडा, पारसीवाडा, विमानतळ क्षेत्र, तरुण भारत वसाहत, इस्लामपुरा, देऊळवाडी, पी. ऍन्ड. टी. वसाहत (5 व 6 फेब्रुवारी 2025 रोजी पाणीपुरवठा पूर्णत: बंद राहील)
  • एच/पूर्व विभाग – वांद्रे टर्मिनस (5 व 6 फेब्रुवारी 2025 रोजी पाणीपुरवठा पूर्णत: बंद राहील)
  • एच/पूर्व विभाग – ए. के. मार्ग, खेरवाडी सर्व्हिस रोड, बेहराम पाडा, खेरनगर, निर्मल नगर (वांद्रे पूर्व) (6 फेब्रुवारी 2025 रोजी पाणीपुरवठा पूर्णत: बंद राहील)

हेही वाचा – Mumbai Air Pollution : एक आई म्हणून मी विनंती करते, दिया मिर्झाने मुख्यमंत्र्यांकडे मांडली व्यथा

पाण्याचा काटकसरीने वापर करण्याचे आवाहन

दरम्यान, संबंधित परिसरातील नागरिकांनी, पाणीपुरवठा बंद असण्याच्या अगोदरच्या दिवशी आवश्यकतेनुसार पाण्याचा साठा करून ठेवावा. तसेच, पाणीपुरवठा बंद असलेल्या कालावधीत पाण्याचा काटकसरीने वापर करावा. जलवाहिनीच्या कामानंतर पुढील काही दिवस गढूळ पाणीपुरवठा होण्याची शक्यता आहे. खबरदारीचा उपाय म्हणून नागरिकांनी पाणी गाळून व उकळून प्यावे, तसेच महापालिकेस सहकार्य करावे, असे आवाहन मुंबई महापालिका प्रशासनाच्या वतीने करण्यात आले आहे.