राज्यात आज ओमिक्रॉन बाधितांची संख्या ३ने कमी झाली आहे. आज राज्यात २० नव्या ओमिक्रॉन बाधितांची नोंद करण्यात आली आहे. नोंद करण्यात आलेल्या १४ रुग्णांची नोंद राष्ट्रीय विषाणू विज्ञान संस्थेने तर ६ रुग्ण भारतीय विज्ञान शिक्षण आणि संशोधन संस्थाकडून करण्यात आली आहे. राज्यात आज नोंद करण्यात आलेल्या २० रुग्णांपैकी ६ रुग्ण पुण्यातील आहेत. पुणे मनपा येथील १ रुग्ण तर पुणे छावणी बोर्ड येथील ५ रुग्ण आहेत. तर मुंबईत ११ नव्या ओमिक्रॉन बाधितांची नोंद करण्यात आली आहे. सातारा जिल्ह्यात २ आणि अहमदनगर जिल्ह्यात आज १ ओमिक्रॉन बाधित रुग्ण आढळला आहे. त्यामुळे राज्यात आतापर्यंत नोंद करण्यात आलेल्या ओमिक्राँन रुग्णांची संख्या १०८इतकी झाली आहे.
आज आढळलेल्या २० ओमिक्रॉन रुग्णांपैकी १५ रुग्ण हे आंतररष्ट्रीय प्रवासी आहेत. तर १ आंतरदेशीय प्रवासी तर ४ जण त्यांच्या संपर्कात आलेले आहेत. यातील १ रुग्ण हा १८ वर्षाखालील असून ६ जण ६० वर्षांवरील आहेत. हे सर्व सर्व रुग्ण लक्षणेविरहित आहेत. तसेच १२ रुग्णांचे पूर्ण लसीकरण झाले आहे, ७ रुग्णांचे लसीकरण झालेसे नाही. त्याचप्रमाणे १ रुग्ण लसीकरणासाठी पात्र नाहीत.
राज्यात कोरोनाच्या वाढत्या प्रादुर्भावामुळे रात्री ९ ते सकाळी ६ पर्यंत संचार बंदी लागू करण्यात आली आहे. या वेळेत ५ पेक्षा जास्त व्यक्ती एकत्र येऊ शकत नाही. परिवहन मंत्री अनिल परब यांनी विधासभेत ही माहिती दिली.
#CoronavirusUpdates
24th December, 6:00pmPositive Pts. (24 hrs) – 683
Discharged Pts. (24 hrs) – 267Total Recovered Pts. – 7,47,258
Overall Recovery Rate – 97%
Total Active Pts. – 3227
Doubling Rate – 1536 Days
Growth Rate (17 Dec – 23 Dec)- 0.05%#NaToCorona— माझी Mumbai, आपली BMC (@mybmc) December 24, 2021
मुंबईत ओमिक्रॉन रुग्णांची संख्या वाढताना दिसत आहे त्यामुळे दुबईहून भारतात येणाऱ्या प्रवाशांना ७ दिवस होम क्वारंटाईन करणे सक्तीचे करण्यात आले आहे. मुंबईत आज ६८३ नव्या कोरोना बाधित रुग्णांची नोंद करण्यात आली आहे. तर २६७ रुग्णांनी कोरोनावर मात केली आहे. मुंबईत सध्या ३ हजार २२७ अँक्टिव्ह कोरोना रुग्ण आहेत.
हेही वाचा – Cororna Virus: राज्यात रात्री ९ ते सकाळी ६ पर्यंत जमावबंदी लागू, अनिल परब यांची विधानसभेत माहिती