Corona in Maharashtra: चिंताजनक! राज्यातील नव्या रुग्णसंख्येत पुन्हा एकदा उच्चांकी वाढ!

राज्यात कोरोना विषाणूचा फैलाव मोठ्या प्रमाणात होत आहे. राज्यातील नव्या रुग्णसंख्येत उच्चांकी वाढ कायम आहे. राज्यात आज देखील नव्या रुग्णसंख्येत उच्चांकी वाढ झाली असून २४ तासांत १९ हजार २१८ नवीन रुग्णांचे निदान झाले आहे. तसेच ३७८ रुग्णांच्या मृत्यूची नोंद झाली आहे. त्यामुळे राज्यातील कोरोनाबाधितांची संख्या ८ लाख ६३ हजार ६२वर पोहोचली असून यापैकी आतापर्यंत २५ हजार ९६४ रुग्णांचा मृत्यू झाला आहे. तसेच राज्यात २४ तासांत आज १३ हजार २८९ रुग्ण बरे होऊन घरी गेले असून आतापर्यंत राज्यात ६ लाख २५ हजार ७७३ रुग्ण कोरोनामुक्त झाले आहेत. यामुळे राज्यातील रुग्ण बरे होण्याचे प्रमाण ७२.५१ टक्के एवढे झाले आहे. तर सध्या राज्यातील मृत्यूतर ३.०१ टक्के एवढा आहे.

378 deaths and 19,218 new cases detected in the state today. The total number of positive cases in the state is 8,63,062 including 6,25,773 recovered patients, 2,10,978 active cases and 25,964 deaths: Maharashtra Health Department pic.twitter.com/GRU8kcXytI

— ANI (@ANI) September 4, 2020

आजपर्यंत तपासण्यात आलेल्या ४४ लाख ६६ हजार २४९ प्रयोगशाळा नमुन्यांपैकी ८ लाख ६३ हजार ६२ (१९.३२टक्के ) नमुने पॉझिटिव्ह आले आहेत. सध्या राज्यात १४ लाख ५१ हजार ३४३ व्यक्ती होमक्वारंटाईन मध्ये आहेत तर ३६ हजार ८७३ व्यक्ती संस्थात्मक क्वारंटाईनमध्ये आहेत. सध्या राज्यात २ लाख १० हजार ९७८ रुग्णांवर उपचार सुरू आहेत.

राज्यातील जिल्हा आणि मनपानिहाय रुग्णांचा तपशील पुढील प्रमाणे…