Corona Update: राज्यात कोरोनाची गंभीर परिस्थिती; आज वाढलेली रुग्णसंख्या डोळे पांढरे करणारी!

राज्यात कोरोना विषाणूचा विळखा आणखी घट्ट होत असून सध्या गंभीर परिस्थिती निर्माण झाली आहे. राज्यात गेल्या काही दिवसांपासून सर्वाधिक नव्या कोरोनाबाधित संख्येत वाढ होत आहे. आज राज्यात पुन्हा एकदा नव्या कोरोनाबाधित संख्येत विक्रमी वाढ झाली आहे. मागील २४ तासांत राज्यात १८ हजार १०५ नवे कोरोनाबाधित रुग्ण आढळले असून ३९१ रुग्णांचा मृत्यू झाला आहे. त्यामुळे राज्यातील कोरोनाबाधितांची संख्या ८ लाख ४३ हजार ८४४वर पोहोचली आहे. यापैकी आतापर्यंत २५ हजार ५६८ रुग्णांचा मृत्यू झाला आहे. तसेच आज १३ हजार ९८८ रुग्ण बरे होऊन घरी गेले असून आतापर्यंत एकूण ६ लाख १२ हजाक ४८४ रुग्ण कोरोनामुक्त झाले आहेत. यामुळे राज्यातील रुग्ण बरे होण्याचे प्रमाण (Recovery Rate) ७२.५८ टक्के एवढे झाले असून सध्या राज्यातील मृत्यूदर ३.०३ टक्के एवढा आहे. 

391 deaths and 18,105 new cases detected in the state today. The total number of positive cases in the state is 8,43,844 including 6,12,484 recovered patients, 2,05,428 active cases and 25,586 deaths: Maharashtra Health Department pic.twitter.com/eWfrvRnl9V

— ANI (@ANI) September 3, 2020

आजपर्यंत तपासण्यात आलेल्या ४३ लाख ७२ हजार ६९७ प्रयोगशाळा नमुन्यांपैकी ८ लाख ४३ हजार ८४४ (१९.२९टक्के ) नमुने पॉझिटिव्ह आले आहेत. सध्या राज्यात १४ लाख २७ हजार ३१६ व्यक्ती होम क्वारंटाईनमध्ये आहेत तर ३६ हजार ७४५ व्यक्ती संस्थात्मक क्वारंटाईनमध्ये आहेत. सध्या राज्यात २ लाख ५ हजार ४२८ ॲक्टिव्ह रुग्ण आहेत.

राज्यातील जिल्हा आणि मनपानिहाय रुग्णांचा तपशील पुढील प्रमाणे…