Corona Update: राज्यात २४ तासांत ६,४९७ नव्या रूग्णांची नोंद; १९३ जणांचा मृत्यू

राज्यातील कोरोनाबाधितांचा आकडा दिवसेंदिवस वाढत असून गेल्या २४ तासांत ६ हजार ४९७ नव्या रूग्णांची नोंद राज्यात करण्यात आली आहे. तर दिवसभरात १९३ जणांना कोरोनाने बळी गेला आहे. यामुळे राज्यात आतापर्यंत एकूण २ लाख ६० हजार ९२४ जणांना कोरोनाची लागण झाली आहे. तसेच आज दिवसभरात ४ हजार १८२ कोरोना रूग्णांना रूग्णालयातून डिस्चार्ज देण्यात आला आहे. त्यामुळे राज्यात आजपर्यंत एकूण १ लाख ४४ हजार ५०७ करोना बाधित रुग्ण बरे होऊन घरी परितले आहेत.

आतापर्यंत एकूण १ लाख ४४ हजार ५०७ रूग्णांनी कोरोनावर मात केली आहे. राज्याचा कोरोना रूग्ण बरे होण्याचा रिकव्हरी रेट हा ५५.३८ टक्के इतका झाला आहे. यासह राज्यात आज १९३ करोना बाधित रुग्णांच्या मृत्यूंची नोंद करण्यात आल्याने सध्या राज्यातील मृत्यूदर ४.०२% एवढा झाला असल्याचे सांग्ण्यात येत आहे.

6,497 #COVID19 cases, 4,182 discharged & 193 deaths reported in Maharashtra today. Total number of cases in the state is now at 2,60,924, including 1,44,507 discharged, 1,05,637 active cases & 10,482 deaths: State Health Department pic.twitter.com/4sN6SlpVDM

— ANI (@ANI) July 13, 2020

आजपर्यंत तपासण्यात आलेल्या १३ लाख ४२ हजार ७९२ प्रयोगशाळा नमुन्यांपैकी २लाख ६० हजार ९२४ (१९.४३ टक्के) कोरोना नमुने पॉझिटिव्ह आले आहेत. दरम्यान, सध्या राज्यात ६ लाख ८७ हजार ३५३ व्यक्ती होमक्वारंटाईनमध्ये आहेत तर ४१ हजार ६६० व्यक्ती संस्थात्मक क्वारंटाईनमध्ये आहेत.

राज्यातील जिल्हा निहाय रुग्णांचा तपशील

बायोकॉननं आणलं Covid 19 वर नवं औषध, जाणून घ्या, किंमत!