Corona Update: राज्यात आतापर्यंत १ लाखांहून अधिक रुग्णांनी केली कोरोनावर मात!

राज्यात आज ८ हजार १८ रुग्ण बरे होऊन घरी गेले असून आतापर्यंत एकूण १ लाख १ हजार १७२ कोरोनाबाधित रुग्ण बरे झाले आहेत. यामुळे राज्यातील रिकव्हरी रेट हा ५४.२१ टक्के एवढा झाला आहे. तसेच आज सर्वाधिक ६ हजार ३३० नव्या कोरोनाबाधित रुग्ण आढळले असून १२५ कोरोनाबाधित रुग्णांच्या मृत्यूंची नोंद झाली आहे. त्यामुळे राज्यातील कोरोनाबाधितांचा एकूण आकडा १ लाख ८६ हजार ६२६वर पोहोचला असून ८ हजार १७८ मृतांचा आकडा झाला आहे.

6,330 #COVID19 cases, 8,018 discharged & 125 deaths reported in Maharashtra today. Total number of cases in the state is now at 1,86,626, including 1,01,172 discharged & 8,178 deaths: State Health Department pic.twitter.com/pbNCGjtzcr

— ANI (@ANI) July 2, 2020

आज झालेल्या मृतांच्या नोंदपैकी ११० मृत्यू मागील ४८ तासांमधील तर उर्वरित १५ मृत्यून मागील कालावधीतील आहेत. सध्या राज्यातील मृत्यूदर ४. ३८ टक्के एवढा आहे. आजपर्यंत पाठविण्यात आलेल्या १० लाख २० हजार ३६८ प्रयोगशाळा नमुन्यांपैकी १ लाख ८६ हजार ६२६ (१८.२९ टक्के ) नमुने पॉझिटिव्ह आले आहेत. राज्यात सध्या ६४ शासकीय आणि ५० खासगी अशा एकूण ११४ प्रयोगशाळा कोरोना निदानासाठी कार्यरत असून दर दशलक्ष लोकसंख्येमागे राज्यातील चाचण्यांचे प्रमाण ७ हजार ७१५ एवढे आहे. हे प्रमाण देशपातळीवर ६ हजाक ३३४ एवढे आहे. १ जुलै २०२० देशभरात ९० लाख ५६ हजार १७३ प्रयोगशाळा चाचण्या झाल्या असून त्यातील ११.२६ टक्के चाचण्या महाराष्ट्रात झाल्या आहेत.

राज्यातील जिल्हा आणि मनपानिहाय रुग्णांचा तपशील पुढील प्रमाणे

हेही वाचा – Corona Update: दिलासादायक! मुंबईत आज ५ हजारांहून अधिक रुग्ण कोरोनामुक्त!