Corona Update: राज्यात २४ तासांत ८,२४० नवे रूग्ण; १७६ जणांचा मृत्यू

राज्यातील कोरोनाबाधितांचा आकडा दिवसेंदिवस वाढत असून गेल्या २४ तासांत ८ हजार २४० नव्या रूग्णांची नोंद राज्यात करण्यात आली आहे. तर दिवसभरात १७६ जणांना कोरोनाने बळी गेला आहे. यामुळे राज्यात आतापर्यंत एकूण ३ लाख १८ हजार ६९५ जणांना कोरोनाची लागण झाली आहे. तसेच आज दिवसभरात ५ हजार ४६० कोरोना रूग्णांना रूग्णालयातून डिस्चार्ज देण्यात आला आहे. त्यामुळे राज्यात आजपर्यंत एकूण १ लाख ७५ हजार २९ कोरोना बाधित रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे प्रमाण (Recovery Rate) ५४.९२ % एवढे झाले आहे.

176 deaths and 8240 new cases of COVID19 reported in the state today; the total number of positive cases in the state is now 3,18,695 including 1,75,029 recovered cases and 1,31,334 active cases: Maharashtra Health Department pic.twitter.com/vq8FjzMwoK

— ANI (@ANI) July 20, 2020

तर आज दिवसभरात राज्यात आज १७६ कोरोना बाधित रुग्णांच्या मृत्यूंची नोंदकरण्यात आली असून सध्या राज्यातील मृत्यू दर ३.७७ % एवढा झाला आहे. तसेच, सध्या राज्यात ७ लाख ६५ हजार ७८१ व्यक्ती होम क्वारंटाईनमध्ये आहेत तर ४५ हजार ४३४ व्यक्ती संस्थात्मक क्वारंटाईनमध्ये आहेत.

आजपर्यंत तपासण्यात आलेल्या १६,००,६६७ प्रयोगशाळा नमुन्यांपैकी ३ लाख १८ हजार ६९५ (१९.९१ टक्के) कोरोना नमुने पॉझिटिव्ह आले आहेत. दरम्यान राज्यात आज एकूण १ लाख ३१ हजार ३३४ ऍक्टिव्ह रुग्ण आहेत.

राज्यातील जिल्हा निहाय रुग्णांचा तपशील