Corona In Maharashtra: राज्यात २४ तासांत ८,२९३ रुग्णांची वाढ, ६२ जणांचा मृत्यू

राज्यात सध्या कोरोनाचा प्रादुर्भाव वाढत आहे. त्यामुळे कोरोनाबाधितांच्या संख्येत भर पडत आहे. मागील २४ तासांत राज्यात ८ हजार २९३ नवे कोरोनाबाधित रुग्ण आढळले असून ६२ रुग्णांची नोंद झाली आहे. त्यामुळे राज्यातील कोरोनाबाधितांची संख्या २१ लाख ५५ हजार ७०वर पोहोचली आहे. यापैकी आतापर्यंत ५२ हजार १५४ जणांचा मृत्यू झाला आहे.

आज दिवसभरात राज्यातील ३ हजार ७५३ रुग्ण बरे होऊन घरी गेले असून आजपर्यंत २० लाख २४ हजार ७०४ रुग्ण कोरोनामुक्त झाले आहेत. त्यामुळे राज्यातील रुग्ण बरे होण्याचे प्रमाण ९३.९५ टक्के एवढे झाले आहे. तसेच सध्या राज्यातील मृत्यूदर २.४२ टक्के एवढा आहे.

आजपर्यंत तपासण्यात आलेल्या १ कोटी ६२ लाख ८४ हजार ६१२ प्रयोगशाळा नमुन्यांपैकी २१ लाख ५५ हजार ७०(१३.२३टक्के ) नमुने पॉझिटिव्ह आले आहेत. सध्या राज्यात ३ लाख ३५ हजार ४९२ व्यक्ती होमक्वारंटाईन मध्ये आहेत तर ३ हजार ३३२ व्यक्ती संस्थात्मक क्वारंटाईन मध्ये आहेत. राज्यात आज रोजी एकूण ७७ हजार ८ ॲक्टिव्ह रुग्ण आहेत.

राज्यातील जिल्हा आणि मनपा निहाय रुग्णांचा तपशील पुढील प्रमाणे…