मुंबई : भाजप आमदार गोपीचंद पडळकर यांनी राष्ट्रवादीचे नेते आणि राज्याचे उपमुख्यमंत्री अजित पवार यांच्यावर बोचरी टीका केल्यानंतर आता अजित पवार गट आक्रमक झाला आहे. आमदार गोपीचंद पडळकर हे जिथं दिसतील त्या ठिकाणी त्यांना चोप देणार असे म्हणत राष्ट्रवादी काँग्रेसचे कार्यकर्ते आक्रमक झाले आहेत. तर विधान परिषदेचे आमदार अमोल मिटकरी यांनी पडळकरांचा थेट कुxx म्हणून उल्लेख केल्याने आता राज्यातील राजकारणात भाजप विरुद्ध राष्ट्रवादी (अजित पवार गट) असा सामना पहावयास मिळणार आहे.(Ajit Pawar group aggressive after Padalkars criticism Mentioned as kuxx directly from Mitkari)
आमदार गोपीचंद पडळकर यांनी धनगर आरक्षणाचा मुद्दा पुढे करत मुख्यमंत्री एकनाथ शिंदे यांना पत्र लिहून मागणी केली होती. त्यात त्यांनी सरकारला जाट आंदोलनाची आठवण करून देत राज्यातही धनगर आरक्षणाचा मुद्दा पेटू शकतो असा इशारा दिला होता. त्यानंतर त्याांनी माध्यमांशी संवाद साधाल. यावेळी त्यांनी अजित पवार यांना लबाड लांडग्याचे लबाड पिल्लू असे म्हणत बोचरी टीका केली होती.
सन्मा.उपमुख्यमंत्री श्री देवेंद्रजी स्वतःला समाजाचा नेता म्हणून घेणाऱ्या व घरात आणि समाजात कवडीची किंमत नसलेल्या गोप्याला आवर घाला. उपमुख्यमंत्री अजितदादाबद्दल बोलताना तो त्याच्या लायकीच्या बाहेर बोलला आहे. याला आवर न घातल्यास आम्हाला आवरणे कठीण होईल.@Dev_Fadnavis
— आ. अमोल रामकृष्ण मिटकरी (@amolmitkari22) September 18, 2023
पुण्यातील कार्यकर्त्यांचे आदोलन सुरू
भाजपचे विधान परिषदेचे आमदार गोपीचंद पडळकरांनी उपमुख्यमंत्री अजित पवारांवर केलेल्या वक्तव्याचे पडसाद पुण्याच्या मावळमध्ये उमटले आहेत. अजित पवारांचे समर्थक थेट जुन्या पुणे-मुंबई महामार्गावर उतरले. सोमटने फाटा येथे त्यांनी पडळकरांच्या फोटोला जोडे मारो आंदोलन केलं. वेळोवेळी विनाकारण अजित पवारांवर भाष्य करणाऱ्या पडळकरांना पुणे जिल्ह्यात फिरू देणार नाही, आता पडळकरांनी माफी मागितली तरी दिली जाणार नाही, ते दिसतील तिथं त्यांना आम्ही चोप देऊ अशी आक्रमक भूमिका अजित पवारांच्या समर्थकांनी घेतली आहे.
हेही वाचा : विधानसभा अध्यक्षांनी घेतलेल्या सुनावणीवर ठाकरे गटाकडून खुलासा; म्हणाले- …म्हणून त्यांनी…
अमोल मिटकरींनी केली फडणीवसांकडे मागणी
गोपीचंद पडळकर यांच्या टीकेनंतर अजित पवार गटाचे कार्यकर्ते शांत राहतील कशाहून. तेव्हा आमदार अमोल मिटकरींनी याप्रकरणी गृहमंत्री देवेंद्र फडणवीस यांना उद्देशून ट्वीट करत म्हटले आहे की, फडणवीसजी मी नम्रतापूर्वक विनंती करतो, तुमचा तो पाळलेला कुxx गोप्या हा त्याच्या लायकीपेक्षा जास्त भूंकतोय. आज तो त्याच्या लायकीबाहेर भूंकलेला आहे. ज्याची ख्याती मंगळसूत्र चोर अशी आहे, जो समाजाचा होऊ शकला नाही, जो आपल्या जन्म देणाऱ्या आईचा होऊ शकला नाही. सख्ख्या भावाचा होऊ शकला नाही, देवाचाही होऊ शकला नाही, अशा वाया गेलेल्या गोप्याला तुम्ही वेळीच आवर घालावी, वेसण घालावी.
उपमुख्यमंत्री अजितदादा यांच्यावर खालच्या पातळीवर टिका करणाऱ्या मंगळसुत्र चोराविरुद्ध मदनलाल धिंग्रा चौक अकोला येथे राष्ट्रवादी युवक काँग्रेसच्या वतीने आंदोलन करण्यात आले.गृहमंत्री देवेंद्रजींनी याला तात्काळ आवर घालावा नाहीतर आम्ही सत्तेत आहोत हे विसरून जाऊ. pic.twitter.com/Ja9MHoOkze
— आ. अमोल रामकृष्ण मिटकरी (@amolmitkari22) September 18, 2023
हेही वाचा : आरक्षणाच्या कमाल मर्यादेवर काँग्रेसची भूमिका स्पष्ट; कार्यसमितीच्या बैठकीत काय झाला निर्णय?
मिटकरींनी दिला थेट इशारा
आमदार अमोल मिटकरी गृहमंत्री देवेंद्र फडणवीस यांना इशारा देत म्हणाले, तुम्ही गोप्याला वेसण घातली नाही तर त्याचा उसळता वारू आम्ही आवरू, त्याला वेसण घालण्याची क्षमता अजित पवारांच्या प्रत्येक कार्यकर्त्यात आहे. गोपीचंद पडळकरला अजित पवारांविरोधात निवडणुकीला उभा राहिल्यावर बारामतीकरांनी त्याची लायकी दाखवून दिली आहे. मात्र राजरोजसपणे अजित पवारांवर तोंडसूख घेणाऱ्या गोप्याला तुम्ही आवर घलणार की नाही? तुम्ही त्याला आवर घालणार नसाल तर आम्हाला आवरणं तुमच्यासाठी कठीण होईल. ही आमची सूचना आहे. गोप्यासारख्या रान### वेळीच आवर घाला असेही त्यांनी त्यांच्या ट्वीटमध्ये म्हटले आहे.
