‘भटक्या कुत्र्यांनी’ मुंबईकर हैराण, जूनपासून सुरू होणार कुत्र्यांची गणना

मुंबईत भटक्या कुत्र्यांची समस्या मुंबईकरांना चांगलीच भेडसावत आहे. महापालिका खासगी संस्थांमार्फत कुत्र्यांचे निर्बीजीकरण केले जात असले तरी, भटक्या कुत्र्यांनी नागरिकांना चावा घेण्याच्या घटना थांबता थांबत नाहीत. दरम्यान, मुंबई महापालिकेने २०१४ मध्ये खासगी संस्थेमार्फत केलेल्या गणनेनुसार भटक्या कुत्र्यांची संख्या २ लाख ९६ हजार असल्याचे समोर आले होती. मात्र आता या संख्येत निश्चित किती वाढ झाली की घट झाली, याबाबतची माहिती पुन्हा एकदा होणार भटक्या कुत्र्यांच्या गणनेमधून उपलब्ध होणार आहे.

महापालिका ह्युमन सोसायटी इंटर नॅशनल संस्थेच्या माध्यमातून तब्बल ९ वर्षांनी पुन्हा एकदा भटक्या कुत्र्यांची गणना करणार आहे. मात्र ही गणना पूर्ण होऊन अहवाल सादर होण्यास किमान तीन ते चार महिन्यांचा कालावधी लागणार असल्याचे समजते.

मुंबई महापालिका कुत्र्यांच्या वाढत्या संख्येवर नियंत्रण मिळविण्यासाठी खासगी संस्थांमार्फत भटक्या कुत्र्यांचे निर्बीजीकरण करते. मात्र निर्बीजीकरण प्रक्रिया कासवगतीने सुरू आहे. सदर खासगी संस्थांनी, सन २०१८ मध्ये ८५,४३८ कुत्र्यांचे , सन २०१९ मध्ये ७४,२७९ कुत्र्यांचे , २०२० मध्ये ५३,०१५ कुत्र्यांचे, २०२१ मध्ये ६१, ३३२ कुत्र्यांचे आणि ऑगस्ट २०२२ पर्यंत ५०, ६२२ कुत्र्यांचे असे मागील पाच वर्षात एकूण ३,२४,६८६ भटक्या कुत्र्यांचे निर्बीजीकरण करण्यात आले आहे.

• मागील पाच वर्षांत कुत्रे चावल्याची माहिती –

• वर्ष संख्या – 

२०१८ – ८५,४३८
२०१९ – ७४,२७९
२०२० – ५३,०१५
२०२१ – ६१, ३३२
२०२२ – ५०, ६२२

ऑगस्टपर्यंत एकूण ३,२४,६८६ नागरिकांना चावा

हेही वाचा : मुंबईतील वर्सोवा भागात इमारतीचा भाग कोसळला, ५ जण जखमी