राज्यात पावसामुळे निर्माण झालेल्या पूरपरिस्थितीनंतर उसंत घेतलेल्या पावसाने गेल्या दोन दिवसांपासून पुन्हा पाऊसाने सुरुवात केली आहे. राज्यात तीन दिवस मुसळधार पावसाचा इशारा सोमवारीच हवमान खात्याकडून देण्यात आला होता. गेली दोन दिवस राज्यातील अनेक भागात मुसळधार ते अतिमुसळधार पाऊस सुरू आहे. तर पुढील २४ तासात राज्यातील काही भागात मुसळधार पावसाची शक्यता हवामान विभागाने वर्तवली आहे. (Chance of torrential rain in maharashtra in next 24 hours)
येत्या २४ तासात महाराष्ट्रात काही भागात मुसळधार पावसाची शक्यता आहे. अधिक माहितीसाठी प्रादेशिक हवामान केंन्द्र, मुंबई संकेत स्थळाला भेट ध्या
As per IMD forecast today, there is possibility of heavy rains in Maharashtra, especially over N Konkan, N Madhy Mah & parts of Vidarbha too pic.twitter.com/pjPzhuvQW1— K S Hosalikar (@Hosalikar_KS) August 18, 2021
विदर्भ, मराठवाडा आणि मध्य महाराष्ट्राच्या उत्तर भाग हा एक शेअर झोन असल्याने गेल्या २ दिवसांपासून या भागात पाऊस सुरू आहे. तर विदर्भ आणि मराठवाड्यात काही ठिकणी अतिमुसळधार पाऊस झाला तर काही ठिकाणी मुसधार पावसाने हजेरी लावली. आज आणि उद्या राज्यात एक ते दोन ठिकाणी अतिमुसळधार ते मुसळधार पाऊस पडण्याची शक्यता वर्तवण्यात आली आहे. याचा प्रभाव उत्तर कोकणातील ठाणे,पालघर आणि मुंबईतही दिसेल. या जिल्ह्यातील काही ठिकाणी मुसळधार पावसाची शक्यता असल्याची माहिती हवामान विभागाकडून देण्यात आली आहे.
महाराष्ट्र आज आणि उद्या क्काही ठिकाणी मुसळधार पाऊस पडण्याची शक्यता आहे . अधिक माहितीसाठी प्रादेशिक हवामान विभाग्याच्या संकेतस्थळाला भेट ध्या . https://t.co/JYmdPo98tJ pic.twitter.com/KsedXFmeBP
— Regional Meteorological Center,Mumbai (@RMC_Mumbai) August 18, 2021
बंगालच्या उपसागरात कमी दाबाचे क्षेत्र निर्माण झाल्याने राज्यात मध्य महाराष्ट्र,विदर्भ, मराठवाडा,कोकणात पावसाचा जोर वाढला आहे. राज्यात सध्या पावसासाठी अनुकूल वातावरण देखील निर्माण झाले आहे. हवामान खात्याच्या अंदाजानुसार आज १८ ऑगस्ट रोजी राज्यातील नंदुरबार,धुळे,औरंगाबाद,नाशिक,जळगाव या जिल्ह्यांना ऑरेंज अलर्ट जारी करण्यात आला आहे. मुंबईतसह राज्यात विश्रांतीनंतर सुरू झालेल्या पावसामुळे वातावरणात गारवा निर्माण झाला आहे.
हेही वाचा – पुनर्विकासानंतर तळीये गाव बनणार आदर्श गाव, म्हाडा ३० एकरवर बांधणार २६१ घरं