न्यूयॉर्क: – महाराष्ट्राचे लाडके मुख्यमंत्री एकनाथ शिंदे यांची ख्याती आता सातासमुद्रापार पोहोचली आहे. कारण जसे महाराष्ट्राच्या कानाकोपऱ्यात त्यांचे असंख्य समर्थक आहेत, तसेच परदेशात देखील तरुणाईला त्यांच्या व्यक्तिमत्वाची भुरळ पडायला लागली आहे. त्यामुळेच न्यूयॉर्क येथे कामानिमित्त असलेल्या काही तरुणांनी त्यांचा वाढदिवस टाईम्स स्क्वेअर येथे केक कापून साजरा केला.
भारतीय वंशाच्या पण न्यूयॉर्कमध्ये राहणाऱ्या काही तरुणांनी एकत्र येऊन मुख्यमंत्री एकनाथ शिंदे यांचा वाढदिवस तिथे साजरा केला. ठाण्यातील युवासेनेचे कोअर कमिटी सदस्य नितीन लांडगे यांचे हे मित्र असून, त्यांच्याकडूनच कायम ते मुख्यमंत्री एकनाथ शिंदे यांच्याबद्दल ऐकत असतात. त्यांच्या कामाची पद्धत आणि संवेदनशील वृत्ती आणि कार्यतत्परता याची भुरळ पडल्यानेच यंदा या मित्रांनी मिळून मुख्यमंत्र्यांचा वाढदिवस टाईम्स स्क्वेअर येथे साजरा करण्याचा निर्णय घेतला. अभिनव जैन, राजीव पंड्या, रुचिता जैन अशी या तरुणांची नावे आहेत.
मुख्यमंत्रिपदाचा पदभार स्वीकारल्यानंतर अत्यंत कमी वेळात धडाकेबाज निर्णय घेतल्यामुळे महाराष्ट्रातीलच नव्हे तर जगभरात राहणाऱ्या मराठी अमराठी माणसांच्या हृदयात मुख्यमंत्री एकनाथ शिंदे यांनी आपले एक विशेष स्थान निर्माण केले आहे. त्यामुळेच त्यांचा वाढदिवस न्यूयॉर्क येथे साजरा करण्याचा निर्णय घेतला आहे. एवढ्यावरच न थांबता, या तरुणांनी त्यांना वाढदिवसाच्या शुभेच्छा देण्यासाठी बॅनर्स तयार करून ते टाईम्स क्वेअर आणि ग्रँण्ड सेंट्रल येथे झळकवले आहेत. मुख्यमंत्र्यांना त्यांच्या वाढदिवसानिमित्त आगळी वेगळी भेट देण्यासाठी त्यांचा वाढदिवस अशाप्रकारे साजरा करण्याचा निर्णय या तरूणांनी घेतला आहे. त्यामुळे मुख्यमंत्र्यांच्या लोकप्रियतेचा डंका सातासमुद्रापार विस्तारला असल्याची चर्चा यानिमित्ताने सुरू झाली आहे.
हेही वाचाः अमेरिकेच्या इतिहासात पहिल्यांदाच टाइम्स स्क्वेअरवर मुस्लिम बांधवांचा नमाज, जगभरात वादाला ठिणगी
