Corona Update : अजून एक गुड न्यूज! राज्याचा रिकव्हरी रेट आता ९४.५९ टक्क्यांवर!

देशात कोवॅक्सिन (Covaxin) आणि कोविशिल्ड (Covishield) या दोन लसींना आपातकालीन परिस्थितीत वापरण्याची परवानगी मिळाल्यामुळे नव्या वर्षाच्या सुरुवातीलाच भारतीयांना आनंदाची बातमी मिळाली असताना महाराष्ट्रातील जनतेला अजून एक आनंदाची बातमी मिळाली आहे. आज दिवसभरात राज्यात एकूण २ हजार ६४ रुग्ण बरे होऊन घरी परतले आहेत. त्यामुळे आता राज्याचा रिकव्हरी रेट (Recovery Rate) ९४.५९ टक्क्यांवर पोहोचला आहे. आत्तापर्यंत महाराष्ट्रात कोरोनाची बाधा झालेल्या १९ लाख ४२ हजार १३६ कोरोना बाधितांपैकी १८ लाख ३६ हजार ९९९ रुग्णांनी कोरोनावर यशस्वीरीत्या मात केली आहे. दुसरीकडे गेल्या २४ तासांत राज्यात ३ हजार २८२ नवे कोरोना बाधित सापडले आहेत तर ३५ रुग्णांचा मृत्यू झाल्याची नोंद झाली आहे. त्यामुळे राज्याचा मृत्यूदर आजअखेर २.५६ टक्के इतका आहे.

अशी आहे राज्यातली आजची आकडेवारी!