Coronavirus Update: राज्यात आज ३००७ नवे रुग्ण आढळले; ९१ जणांचा मृत्यू

राज्यातील कोरोनाबाधितांचा आकडा दिवसेंदिवस वाढताना दिसत आहे. आज राज्यात ३००७ नवीन रुग्णांची नोंद झाली असून ९१ जणांचा मृत्यू झाला आहे. त्यामुळे राज्यातील कोरोनाबाधितांचा आकडा ८५ हजार ९७५ वर पोहोचला आहे तर मृतांचा आकडा ३ हजार ६० झाला आहे. तसेच आज राज्यात १ हजार ९२४ रुग्ण बरे होऊन घरी गेले आहेत. त्यामुळे आतापर्यंत एकूण ३९ हजार ३१४ जण कोरोनामुक्त झाले आहेत. महाराष्ट्राने कोरोनाबाधितांच्या आकड्यात चीनला मागे टाकले आहे.

आज नोंद झालेल्या मृत्यूंपैकी ६४ पुरुष तर २७ महिला आहेत. तसेच नोंद झालेल्या ९१ मृत्यूंपैकी ६० वर्षे किंवा त्यावरी ४६ रुग्ण आहेत. तर ४१ रुग्ण हे वय वर्षे ४० ते ५९ वयोगटातील आहेत. तर ४ जण ४० वर्षांखालील आहे. या ९१ रुग्णांपैकी ५८ जणांमध्ये ७३.६ टक्के मधुमेह, उच्च रक्तदाब, हृदयरोग, अशा स्वरुपाचे अतिजोखमीचे आजार आढळले आहेत.

राज्यातील जिल्हा आणि मनपानिहाय रुग्णांचा तपशील पुढीलप्रमाणे