Friday, May 14, 2021
27 C
Mumbai
घर महाराष्ट्र कोरोना कहराने पुण्यात एकाच घरात १५ दिवसात पाच जणांचा मृत्यू

कोरोना कहराने पुण्यात एकाच घरात १५ दिवसात पाच जणांचा मृत्यू

...तर कारवाई कडक - डॉ. शिसवे

Related Story

- Advertisement -

कोरोनाने अवघ्या पंधरा दिवसात एक संपूर्ण कुटुंब संपवलं आहे. पुण्यातील जाधव कुटुंबातील पाच जणांचा गेल्या 15 दिवसांत कोरोनाने मृत्यू झाला आहे. आई अलका जाधव, भाऊ रोहित जाधव, अतुल जाधव आणि बहीण वैशाली गायकवाड यांचा कोरोनामुळे मृत्यू झाला. पूजेच्या निमित्ताने हे कुटुंब एकत्र आलं होतं. पूजेनंतर घरात कोरोनाचा संसर्ग झाला. त्यानंतर एकामागोमाग एक अशा पाच जणांचा कोरोनामुळे मृत्यू झाला. यामुळे जाधव कुटुंबच संपलं. एकाच कुटुंबातील पाच जणांचा कोरोनाने मृत्यू झाल्याने परिसरात भीतीचं वातावरण पसरलं आहे. अवघ्या 15 दिवसात संपूर्ण कुटुंबच्या कुटुंब मृत्यूमुखी पडल्याने, कोरोनाचं भयाण रुप समोर येत आहे.

जाधव कुटुंबियांनी काही दिवसांपूर्वी घरात पूजेचं आयोजन केलं होतं. या पूजेच्या निमित्ताने घरातील सर्वजण एकत्र आले होते. एकाच कुटुंबातील सर्वजण असल्याने ते काहीसे निश्चिंत होते. मात्र, एकामागोमाग एकाला कोरोनाने गाठलं. पुढे त्यांची प्रकृती बिघडत गेली आणि अवघ्या 15 दिवसात तब्बल 5 जणांचा मृत्यू झाला. पुण्यातील कोरोना स्थिती बिकट होत चालली आहे. दररोज रुग्णवाढीचा वेग जोराने वाढत आहे. या पार्श्वभूमीवर पुण्यातील सर्वच गृहनिर्माण सोसायट्यांमध्ये रहिवाशांव्यतिरिक्त बाहेरील व्यक्तींना प्रवेश करण्यास प्रतिबंध लावण्यात आला आहे. तसेच नियमित सोसायटीमध्ये येणार्‍यांची आरटीपीसीआर चाचणी आवश्यक आहे, असे आदेश पुणे महापालिकेने दिले आहेत.

- Advertisement -

…तर कारवाई कडक – डॉ. शिसवे

पुण्यात लॉकडाऊन कडक करण्यात आला असून संचारबंदी तोडणार्‍यांवर कारवाई करण्यात येईल, असा इशारा पुण्याचे सह पोलीस आयुक्त डॉ. रवींद्र शिसवे यांनी दिला आहे. विशेष म्हणजे अत्यावश्यक सेवेतली दुकानेही बंद ठेवण्याचे आदेश देण्यात आलेत. अपवाद फक्त मेडिकलची दुकानं असतील. पुण्यात काही व्यापार्‍यांनी लॉकडाऊनला विरोध दर्शवत दुकानं सुरू ठेवली होती. त्या पार्श्वभूमीवर पोलिसांचा हा आदेश महत्वाचा आहे.

- Advertisement -