मुंबई : शिवसेना उद्धव बाळासाहेब ठाकरे पक्षाचे खासदार संजय राऊत यांनी साधारणपणे तीन वर्षांपूर्वी अभिनेत्री कंगना रणौत हिच्याबद्दल बोलताना ‘हरामखोर’ शब्दाचा वापर केला होता. यावरून मोठा गदारोळ झाला होता. राजकीय वर्तुळासह सोशल मीडियावरही तीव्र प्रतिक्रिया उमटल्या होत्या. पण आता भाजपाच्या एका महिला नेत्याकडून या शब्दाचा वारंवार वापर होत असल्याने हा शब्द संसदीय झाला आहे का? की त्याचा अर्थ बदलला आहे? अशी चर्चा सोशल मीडियावर सुरू झाली आहे.
अभिनेत्री कंगना रणौतने मुंबईतील सुरक्षेची तुलना पाकव्याप्त जम्मू आणि काश्मीरशी केल्याने तत्कालीन महाविकास आघाडी सरकार संतप्त झाले होते. यावरून कंगना आणि तत्कालीन ठाकरे सरकार यांच्यात संघर्ष सुरू झाला होता. त्यावेळी शिवसेनेचे (ठाकरे गट) खासदार व प्रवक्ते संजय राऊत यांनी कंगनाबद्दल बोलताना ‘हरामखोर’ म्हटले होते. त्यावरून वागंद निर्माण झाल्यावर संजय राऊत यांनी याबाबत खुलासा केला होता. हरामखोर म्हणजे ‘नॉटी’ असा एक नवीनच अर्थ त्यांनी सांगितला आणि त्यावरूनही ते सोशल मीडियावर ट्रोल झाले.
पुणे शहर राष्ट्रवादी उपाध्यक्ष दयानंद इरकलने रस्त्यानं जाणाऱ्या वकील युवतीला गलिच्छ शिवीगाळ किळसवाणे स्पर्श करत मारहाण केल्याची संतापजनक घटना घडलीये
तळपायाची आग मस्तकात नेणाऱ्या या प्रकारात या हरामखोर आरोपीला बेड्या ठोकायला @CPPuneCity कुणाची वाट पहाताहेत..तात्काळ अटक करा pic.twitter.com/qfLnDwx8gj— Chitra Kishor Wagh (@ChitraKWagh) February 14, 2023
पण सध्या भाजपा महिला मोर्चाच्या प्रदेशाध्यक्ष चित्रा वाघ या सर्रास या शब्दाचा वापर करत असल्याचे समोर आले आहे. आज (मंगळवारी) त्यांनी एक व्हिडीओ ट्वीट केला आहे. राष्ट्रवादी काँग्रेसचे पुणे शहर उपाध्यक्ष दयानंद इरकल यांनी रस्त्याने जाणाऱ्या एका वकील युवतीला शिवीगाळ करत भर रस्त्यात मारहाण केल्याची घटना त्यांनी या व्हिडीओद्वारे विषद केली आहे. तळपायाची आग मस्तकात नेणाऱ्या या प्रकारात या ‘हरामखोर’ आरोपीला बेड्या ठोकायला पुणे पोलीस कुणाची वाट पहात आहेत, असा सवाल त्यांनी केला आहे.
या घटनेत दोन महिलांनी काम देतो म्हणत पाश्टर व इतर दोन पुरूषांच्या तिला स्वाधीन केले
या तिघांनी पिडीतेला एक महिना डांबून ठेवत शारिरीक अत्याचार केले गोमांस शिजवण्यास व ते भक्षण करण्यास जबरदस्ती केली..एव्हढचं नाही तर या पिडीतेची विक्री करण्याचाही या हरामखोरांचा मनसुबा होता.. (२/५)— Chitra Kishor Wagh (@ChitraKWagh) February 13, 2023
तर, काल (सोमवारी) नाशिकमधील सिन्नर येथे एका महिलेचे जबरदस्तीने धर्मांतर केल्याची घटना त्यांनी ट्विटरवरून सांगितली आहे. यातही त्यांनी आरोपींचा उल्लेख ‘हरामखोर’ असाच केला आहे. तर, हिंगोलीमध्ये काँग्रेसचे दिवंगत आमदार राजीव सातव यांच्या पत्नी आणि विधान परिषद सदस्य डॉ. प्रज्ञा सातव यांच्यावर 8 फेब्रुवारी 2023 रोजी हल्ला करण्यात आला होता. याबद्दलचा निषेध करण्याचे ट्वीट चित्रा वाघ यांनी 9 फेब्रुवारी 2023 रोजी केले होते. त्यात हल्लेखोराचा त्यांनी ‘हरामखोर’ असा उल्लेख केला होता. त्यामुळे हा शब्द संसदीय झाला आहे की त्याचा अर्थ बदलून ‘नॉटी’ झाला आहे, असा प्रश्न विचारला जात आहे.
त्यात त्या बालंबाल बचावल्या हे त्यांच नशीब त्या प्रकरणात पुढे काय झाल मला माहीत नाही
असो॰
प्रज्ञाताईंवर ज्या हरामखोर दारूड्याने हल्ला केला त्याला पोलिसांनी ताब्यात घेतलयं पुढली कारवाई ही होईलच पण यातनं आपण सगळ्याच मैत्रिणींनी गर्दीत असतांना काळजी घेण्याची गरज आहे असं वाटतं (३/३— Chitra Kishor Wagh (@ChitraKWagh) February 9, 2023
महिला अत्याचाराबद्दलचा संताप चित्रा वाघ यांच्या ट्वीटमधून व्यक्त होत असतो. अशा प्रकारांना आळा घातला पाहिजे, असे प्रत्येकाचे मत आहे. पण तरीही साधनशूचिता आणि शब्दांबद्दल जागरूक असणाऱ्या भाजपा नेत्यांनी त्याबाबत संयम दाखवावा, असे मत काही नेटिझन्सने व्यक्त केले आहे.
