Jitendra Awhad : …आता नातू तुमच्यासाठी लढायला तयार झालेत; आव्हाडांनी बीडमधील सभेत व्यक्त केला विश्वास

Jitendra Awhad : राष्ट्रवादी काँग्रेसमध्ये (NCP) अजित पवारांच्या (AJit Pawar) बंडखोरीनंतर शरद पवार (Sharad Pawar) प्रथमच मराठवाडा दौऱ्यावर आले आहेत. मराठवाड्याने शरद पवारांना त्यांच्या पडत्या काळात साथ दिल्याची अनेक उदाहरणे आहेत. याशिवाय मराठवाड्यात (Marathwada) राष्ट्रवादी काँग्रेसचे सर्वाधिक आमदार बीड जिल्ह्यात असल्यामुळेच शरद पवारांनी पक्ष फुटीनंतरची दुसरी सभा बीडमध्ये (Beed) आयोजित केल्याची चर्चा आहे. या सभेत बोलताना राष्ट्रवादी काँग्रेसचे आमदार जितेंद्र आव्हाड (Jitendra Awhad) यांनी आधीची पिढी तुमच्या बरोबर लढली आणि आता नातू तुमच्यासाठी लढायला तयार झाले आहेत, असा विश्वास व्यक्त केला. (Jitendra Awhad  now the grandson is ready to fight for you Awhad expressed his belief in the meeting in Beed)

जितेंद्र आव्हाड म्हणाले की, साहेब मला बदल होताना दिसतो आहे. तुमच्या मागे हुके पाटील, दरेकर यांच्यासारखे सगळे माजी आमदार बसलेत आणि आणि त्यांचे नातू पुढे उभे आहेत. हुके पाटलांचा नातू मुंबईच्या एन एम कॉलेजमध्ये शिकायला आहे. साहेब ती पिढी तुमच्या बरोबर लढली आणि आता नातू तुमच्यासाठी लढायला तयार झाले आहेत. सगळे नातू आले आहेत. एक नैसर्गिक नियम आहे की, मुलगा सोडून गेला तरी नातू आजोबाला सोडत नसतो. साहेब इथे बसलेली सगळी नातू तुम्हाला धरून चालणार आहेत आणि तुम्हाला पुढे करून या बीड जिल्ह्याचा पूर्ण माहोल पुन्हा एकदा शरद पवारमय करणार, याविषयी माझ्या मनात कुठलीही शंका नाही, असा विश्वास जितेंद्र आव्हाड यांनी व्यक्त केला.