घरमहाराष्ट्रउद्धव ठाकरे संत, शकुनीच्या नादाला लागले; कोश्यारी यांचा रोख कोणाकडे

उद्धव ठाकरे संत, शकुनीच्या नादाला लागले; कोश्यारी यांचा रोख कोणाकडे

Subscribe

एका पोर्टलला दिलेल्या मुलाखतीत कोश्यारी यांनी हे वक्तव्य केले. ते म्हणाले, उद्धव ठाकरे हे संत आहेत. ते सरळमार्गाने चालणारे आहेत. ते शकुनीच्या चक्रात अडकले आहेत, असे त्यांचीच माणसे मला येऊन सांगायची. ते शरद पवार यांच्यासारखे तरबेज राजकारणी नाहीत. विधानपरिषदेच्या आमदारांची नियुक्ती करण्यासाठी लिहिलेल्या पत्रात मला थेट धमकी देण्यात आली होती. तुम्ही पंधरा दिवसांत निर्णय घ्या, असे त्या पत्रात नमूद केले होते. अशाप्रकारे राज्यपाल यांना धमकी दिली जाऊ शकते का?, असा प्रश्नही कोश्यारी उपस्थित केला.

नवी दिल्लीः उद्धव ठाकरे हे संत आहेत. ते चुकून राजकारणात आहे. त्यांचीच माणसं मला येऊन सांगायची की उद्धव ठाकरे हे शकुनीच्या नादाला लागले आहेत. आता हा शकुनी कोण आहे हे तुम्ही शोधा, असे वक्तव्य माजी राज्यपाल भगतसिंह कोश्यारी यांनी केले. असे वक्तव्य करताना कोश्यारी यांचा रोख कोणाकडे होता यावर चर्चा सुरु झाली आहे.

एका पोर्टलला दिलेल्या मुलाखतीत कोश्यारी यांनी हे वक्तव्य केले. ते म्हणाले, उद्धव ठाकरे हे संत आहेत. ते सरळमार्गाने चालणारे आहेत. ते शकुनीच्या चक्रात अडकले आहेत, असे त्यांचीच माणसे मला येऊन सांगायची. ते शरद पवार यांच्यासारखे तरबेज राजकारणी नाहीत. विधानपरिषदेच्या आमदारांची नियुक्ती करण्यासाठी लिहिलेल्या पत्रात मला थेट धमकी देण्यात आली होती. तुम्ही पंधरा दिवसांत निर्णय घ्या, असे त्या पत्रात नमूद केले होते. अशाप्रकारे राज्यपाल यांना धमकी दिली जाऊ शकते का?, असा प्रश्नही कोश्यारी उपस्थित केला.

- Advertisement -

आदित्य ठाकरेवर मुलाप्रमाणे प्रेम करतो. महाविकास आघाडीच्या सत्तास्थापनेचा प्रस्ताव आदित्य घेऊन आला होता. तो सारखा फोन करायचा. मी त्याला विचारलं अरे तुमचा नवरदेव कुठे आहे. त्याला आधी आणा. उद्या त्याने मुख्यमंत्री होण्यास नकार दिला तर. तरीही उद्धव ठाकरे पुढे आले नाहीत. मी त्यावेळी प्रफुल्ल पटेल यांना सांगितले की हे चुकीचे आहे. उद्धव यांनी पुढे यायला हवे. पटलेही बोलले हे चुकीचेच आहे. विचारा छगन भुजबळ व अन्य नेत्यांना हे सत्य आहे की नाही. तीन तासांनी उद्धव ठाकरे समोर आले. यावर कोणीच काही बोलत नाही, असे कोश्यारी यांनी सांगितले.

कोरोनात काळात मंदिरे उघडण्याबाबत कोश्यारी यांनी राज्य शासनाला पत्र लिहिले होते. हिंदुत्त्व विसरलात का?, असा सवाल त्या पत्रात करण्यात आला होता. हे पत्र कोणाच्या दबवाखाली लिहिण्यात आले होते का?, असा प्रश्न कोश्यारी यांना विचारण्यात आला. त्यावर कोश्यारी म्हणाले, मी कोणाच्याही दबावाखाली ते पत्र लिहिले नव्हते.

- Advertisement -

 

महाविकास आघाडी धमकी द्यायची : कोश्यारी

महाविकास आघाडीने विधानपरिषद आमदारांची नियुक्ती करा, असे पत्र मला देण्यात आले. त्यात १५ दिवसांत निर्णय घ्या, असे लिहिले होते. अशाप्रकारे कोणी पत्र लिहितं का. तुम्ही विनंती करायला हवी. मला निर्णय घेण्यासाठी मुदत कशी दिली जाऊ शकते. तसेच विधानसभा अध्यक्ष निवडीची प्रक्रियाही चुकीची होती. मुख्यमंत्री विधानसभा अध्यक्षांच्यावर नाही. तेव्हाही मला धमकी देणारे पत्र लिहिण्यात आले. नवीन सरकार आले तेव्हा त्यांनी व्यवस्थित पत्र दिले. म्हणूनच नवीन अध्यक्षांची निवड तत्काळ केली, असा खुलासा कोश्यारी यांनी केला.

 

शरद पवारांचा खुलासा राजकीय

देवेंद्र फडणवीस व अजित पवार यांचा शपथविधी शरद पवार यांना माहित होता. मात्र शरद पवार हे मान्य करत नाहीत, यावर कोश्यारी म्हणाले, शरद पवार हे आता राजकीय उत्तर देत आहेत. त्यावर मला बोलायचे नाही. पण त्यांच्यविरोधात उच्च न्यायालयात लवासा प्रकरण दाखल झाले होते. तेव्हा न्यायालय काय म्हणाले याचा जरा विचार शरद पवार यांनी करायला हवा. तो शपथविधी एका रात्रीत झालेला नाही. अजित पवार आले होते. ते बडे नेते आहेत. त्यांच्यावर विश्वास ठेवला. म्हणून सरकार स्थापनेला होकार दिला. नंतर ते अल्पमतात गेले. त्यांनी राजीनामा दिला. त्यात वेगळे असे काही नाही. भूकंप होतो आणि सर्व एका रात्रीत उद्धवस्त होते. मग या शपथविधीवर एवढ आश्चर्य का, असा सवालही कोश्यारी यांनी केला.

- Advertisment -
- Advertisment -
- Advertisment -