Maharashtra Corona Update: राज्याच्या आकडेवारीत दिवसेंदिवस वाढ, बुधवारी ३१ हजार ८५५ नव्या रुग्णांची नोंद

राज्यात कोरोनाच्या परिस्थितीत दिवसेंदिवस वाढ होत आहे. त्यामुळे राज्यातील अनेक जिल्ह्यात कडक निर्बंध लागू करण्यात आले आहेत. असे असले तरी आज राज्यात ३१ हजार ८५५ नव्या कोरोनाबाधित रुग्णांची नोंद करण्यात आली आहे. तर १५ हजार ९८ कोरोना रुग्ण बरे होऊन घरी परतले आहेत. राज्यात आज तब्बल ९५ जणांचा कोरोनामुळे मृत्यू झाला आहे. राज्यात आतापर्यंत २२ लाख ६२ हजार ५९३ कोरोना रुग्ण बरे होऊन घरी परतले आहेत. राज्यात रुग्ण बरे होण्याचे प्रमाण हे ८८.२१ टक्के इतके आहे. तर राज्याचा मृत्यूदर हा २.०९ टक्के इतका आहे.

राज्यात आतापर्यंत १ कोटी ८७ लाख २५ हजार ३०७ कोरोना चाचण्या करण्यात आल्या. त्यातील २५ लाख ६४ हजार ८८१ कोरोना चाचण्या पॉझिटिव्ह आल्या आहेत. राज्यात सध्या १२ लाख ६८ हजार ९४ लोक होमक्वारंटाईन आहेत. तर १३ हजार ४९९ लोक हे संस्थात्मक क्वारंटाईन आहेत. राज्यात सध्या २ लाख ४७ हजार २९९ अँक्टिव्ह रुग्ण आहेत.

राज्यात कोरोना रुग्णसंख्यांचा कहर दिवसेंदिवस वाढत चालला आहे. राज्यातील अनेक जिल्ह्यात कोरोनाची रुग्णसंख्या वाढल्याने लॉकडाऊन करण्यात आले आहेत. नांदेडमध्येही ११ दिवसांचा लॉकडाऊन घोषित करण्यात आला आहे. २६ मार्च ते ४ एप्रिल पर्यंत नांदेड जिल्ह्यात लॉकडाऊन असणार आहे. नांदेडसह मुंबई, ठाणे, नाशिक,जळगाव, अकोला जिल्ह्यातही कोरोनामुळे लॉकडाऊन लावण्यात आला आहे. कोरोनाच्या वाढत्या रुग्णसंख्यांच्या देशात महाराष्ट्रासह पंजाब हे राज्य देखिल असल्याचे आरोग्य अधिकाऱ्यांच्या बैठकीत सांगण्यात आले आहे.

राज्यातील इतर जिल्ह्यांची आकडेवारी पुढीलप्रमाणे

हेही वाचा – Mumbai Corona Update: मुंबईत कोरोनाचा विस्फोट, ५ हजार ६७ कोरोना रुग्णांची नोंद