Maharashtra Corona Update: राज्यात सोमवारी १५ हजार ५१ नव्या रुग्णांची नोंद

राज्यातील कोरोना रुग्णसंख्या दिवसेंदिवस वाढत आहे. कोरोनाच्या वाढत्या प्रादुर्भावामुळे नागपूर,यवतमाळ, नाशिक,जळगाव यासांरख्या जिल्ह्यांमध्ये कर्फ्यू त्याचप्रमाणे कडक निर्बंध जारी करण्यात आले आहेत. आज राज्यात १५ हजार ५१ नव्या कोरोना रुग्णांची नोंद करण्यात आली आहे. तर १० हजार ६७१ रुग्ण कोरोनामुक्त झाले आहेत. आतापर्यंत राज्यात २१ लाख ४४ हजार ७४३ रुग्ण कोरोनामुक्त झाले आहेत. राज्याचा रिकव्हरी रेट हा ९२.०७ टक्के इतका आहे. तर राज्यात आज ४८ कोरोनाबाधित रुग्णांचा मृत्यू झाला आहे. राज्याचा मृत्यूदर हा २.२७ टक्के इतका आहे. राज्यात आतापर्यंत १ कोटी ७६ लाख ९ हजार २४८ कोरोना चाचण्या करण्यात आल्या आहेत. त्यातील २३ लाख २९ हजार ४६४ कोरोना चाचण्या पॉझिटिव्ह आल्या आहेत. राज्यात सध्या ६ लाख २३ हजार १२१ लोक होमक्वारंटाईन आहेत तर ६ हजार ११४ लोक हे संस्थात्मक क्वारंटाईन आहेत.

राज्यातील वाढती कोरोना रुग्ण संख्या पाहता सध्या राज्यात १ लाख ३० हजार ५४७ अँक्टिव्ह रुग्ण आहेत. मुंबईचा विचार केला असता मुंबईत आता पर्यंत ३ लाख ४५ हजार ६७५ कोरोनाबाधित रुग्णांची नोंद करण्यात आली आहे. सध्या मुंबईत १३ हजार ३०९ अँक्टिव्ह रुग्ण आहेत. तर ठाण्यात सध्या १२ हजार ६८० अँक्टिव्ह कोरोना रुग्ण आहेत.त्याचप्रमाणे रत्नागिरीत २०७ तर २३४ अँक्टिव्ह रुग्ण आहेत. पुण्यात २६ हजार ४६८ अँक्टिव्ह रुग्ण आहेत.

राज्यातील वाढती कोरोनाबाधितांच्या रुग्णसंख्येमळे अनेक जिल्ह्यात लॉकडाऊन तसेच कडक निर्बंध करण्यात आले आहेत. राज्यातील कोरोना संसर्गाचे प्रमाण वाढत असले तरी मृत्यूचे प्रमाण कमी आहे. मात्र असे असले तरी जनतेने कोरोनाच्या नियमांचे पालन करण्याचे आवाहन राज्याचे आरोग्यमंत्री राजेश टोपे यांनी केले आहे. राज्यात दररोज सव्वा लाख लसीकरण केले जात आहे. आतापर्यंत ३० लाखांपर्यत लसीकरण करण्यात आले आहे, अशी माहिती आरोग्यमंत्र्यांनी दिली आहे.

राज्यातील जिल्ह्यातील आजची आकडेवारी पुढीलप्रमाणे

हेही वाचा – कोरोना रुग्णवाढीत नाशिक राज्यात टॉप