Maharashtra Corona Update: आज राज्यातील कोरोना रुग्णसंख्येत मोठी घट, ओमिक्रॉनचा एकही रुग्ण नाही

राज्यातील कोरोना रुग्णसंख्येत गेल्या काही दिवसांपासून घट होत असून बुधवारच्या तुलनेत राज्यात आज गुरुवारी कोरोना बाधित रुग्णांची संख्या कमी झाली आहे. गुरुवारी राज्यात १५,२५२ नव्या कोरोना बाधित रुग्णांची नोंद करण्यात आली आहे. काल हीच संख्या १८ हजारांहून अधिक होती. आज ३ हजारांनी ही रुग्णसंख्या कमी झाल्याने राज्याला मोठा दिलासा मिळाला आहे. राज्यातील ओमिक्रॉन रुग्णांची संख्या देखील कमी होत असून आज पुन्हा राज्यात एकही ओमिक्रॉन बाधित रुग्णाची नोंद झालेली नाही. मंगळवारी देखील राज्यात एकही ओमिक्रॉन बाधित रुग्ण आढळला नव्हता. काल मात्र राज्यात ११३ ओमिक्रॉन बाधित रुग्णांची नोंद करण्यात आली होती.

राज्यातील कोरोनामुक्त होणाऱ्या रुग्णांचा विचार केला असता राज्याचा रिकव्हरी रेट हा पॉझिटिव्हीटी रेटहून अधिक आहे. राज्यात आज गुरुवारी ३०,२३५ रुग्ण कोरोनामुक्त झाले आहेत. काल हा आकडा ३६ हजारांहून अधिक होता. आज यात ५ हजारांनी घट झाली आहे. राज्यातील आतापर्यंतच्या कोरोना मुक्त रुग्णांचा आकडा पाहता तो ७४,६३,८६८ इतका आहे. तर दुसरीकडे मागच्या २४ तासात राज्यात ७५ जणांचा कोरोनामुळे मृत्यू झाला आहे. राज्याचा सध्याचा मृत्यू दर १.८३ टक्के इतका आहे. राज्या

राज्यात आज रोजी एकूण १,५८,१५१ अँक्टिव्ह कोरोना रुग्ण आहेत. तर राज्यात आतापर्यंत ३,३३४ ओमिक्रॉन रुग्णांची नोंद करण्यात आली आहे. त्यात मुंबईतील १,०८० रुग्ण आहेत. राज्यातील सध्याच्या अँक्टिव्ह रुग्णांचा तपशील पाहा.

हेही वाचा – India Corona Update : देशातील कोरोना बळींच्या संख्येत घट; रुग्णसंख्या 1 लाख 72 हजारांवर