राज्यात कोरोना रुग्णसंख्या झपाट्याने कमी होत आहे. त्यामुळे राज्यातील कोरोनाची तिसरी लाट ओसरल्याचे दिसून येत आहे. आरोग्य विभागाने दिलेल्या माहितीनुसार, गेल्या 24 तासात राज्यात 156 कोरोनाचे नवे रुग्ण आढळून आले आहेत. तर 269 जण कोरोनातून बरे होऊन घरी परतले आहेत. विशेष म्हणजे आजही राज्यात कोरोनामुळे एकही मृत्यू झालेला नाही. राज्यात कालच्या तुलनेत आज कोरोना रुग्णसंख्येत मोठी वाढ झाली आहे. कोरोनाचे फक्त 99 नवे रुग्ण आढळून आले होते, तर 180 रुग्ण कोरोनामुक्त झाले होते.

राज्यात आढळलेल्या कोरोना रुग्णांमुळे सक्रिय रुग्णांची संख्या 1 हजार 159 झाली आहे. राज्यातील सर्वाधिक सक्रिय रुग्ण पुण्यात आहेत. पुण्यात सध्या 308 सक्रिय रुग्ण आहेत. त्यापाठोपाठ मुंबईत 275, ठाणे 146, अहमदनगरमध्ये 122 सक्रीय रुग्ण आहेत. तर नंदुरबार, धुळे, हिंगोली, यवतमाळमध्ये एकही सक्रिय रुग्ण नाही. राज्यातील कोरोना मृत्यूदर 1.82 टक्के एवढा आहे.

राज्यातील सर्व जिल्ह्यांमध्ये कोरोनाची स्थिती खालीलप्रमाणे :-

राज्यात आजपर्यंत कोरोनाचे 78 लाख 72 हजार 668 रुग्ण आढळून आले आहेत. तर आजपर्यंत एकूण 77 लाख 23 हजार 737 कोरोनाबाधित रुग्ण बरे होऊन घरी परतले आहेत त्यामुळे राज्यातील कोरोनातून बरे होण्याचे प्रमाण 98.11 टक्के झाले आहे. राज्यातील बहुतांश जिल्ह्यात कोरोनाची रुग्णसंख्या मोठ्याप्रमाणात कमी होत आहे. त्यामुळे राज्यात कोरोनामुक्त होणाऱ्या रुग्णांच्या संख्येत वाढ होत असल्याचे दिसून येत आहे.

राज्यात आजपर्यंत 7 कोटी 90 लाख 25 हजार 520 कोरोनी चाचण्या करण्यात आल्या आहेत, त्यातील 78 लाख 72 हजार 668 (09.96 टक्के) चाचण्या पॉझिटिव्ह आल्या आहेत. राज्यातील कोरोना रुग्णसंख्या सातत्याने कमी होत असल्याने अनेक जिल्हे निर्बंधमुक्त करण्यात आले आहेत.

राजकीय आकसापोटी हा कार्यक्रम भाजपने हाती घेतलाय- शरद पवार