Maharashtra Corona Update: राज्यात कोरोनाबाधितांच्या संख्येत चढ-उतार सुरुच, गेल्या २४ तासात ४८ हजार ४०१ कोरोनाबाधितांची नोंद

राज्यात कोरोनाचा प्रादुर्भाव भयंकर वाढला आहे. वाढत्या कोरोनाच्या प्रादुर्भावाला रोखण्यासाठी राज्य सरकारने कडक लॉकडाऊन केला आहे. परंतु राज्यातील एकुण कोरोनाबाधितांच्या संख्येमध्ये दिवसेंदिवस चढ-उतार पाहायला मिळत आहे. गेल्या १४ तासात ४८ हजार ४०१ कोरोनाबाधितांची नोंद झाली आहे. तर शनिवारी ५३ हजार ६०५ नवे कोरोनाबाधित आढळले होते. आज ६०,२२६ रुग्ण बरे होऊन घरी, राज्यात आजपर्यंत एकूण ४४,०७,८१८ करोना बाधित रुग्ण बरे होऊन घरी. यामुळे राज्यातील रुग्ण बरे होण्याचे प्रमाण (Recovery Rate) ८६.४% एवढे झाले आहे.

राज्यात आज ५७२ करोना बाधित रुग्णांच्या मृत्यूंची नोंद. सध्या राज्यातील मृत्यूदर १.४९% एवढा आहे. आजपर्यंत तपासण्यात आलेल्या २,९४,३८,७९७ प्रयोगशाळा नमुन्यांपैकी ५१,०१,७३७ (१७.३३ टक्के) नमुने पॉझिटिव्ह आले आहेत. सध्या राज्यात ३६,९६,८९६ व्यक्ती होमक्वारंटाईनमध्ये आहेत तर २६,९३९ व्यक्ती संस्थात्मक क्वारंटाईनमध्ये आहेत. आता राज्यातील करोना बाधित रुग्णांची एकूण संख्या ५१,०१,७३७ झाली आहे.

आज नोंद झालेल्या एकूण ५७२ मृत्यूंपैकी ३१० मृत्यू हे मागील ४८ तासातील तर १२६ मृत्यू हे मागील आठवडयातील आहेत. उर्वरित १३६ मृत्यू हे एक आठवडयापेक्षा अधिक कालावधीपूर्वीचे आहेत. हे १३६ मृत्यू, नाशिक- ३९, ठाणे- ३३, नागपूर- १८, गडचिरोली- १०, पुणे- ९, संगली- ६, जालना- ४, कोल्हापूर- ४, चंद्रपूर- ३, जळगाव- २, नांदेड- २, भंडारा- १, हिंगोली- १, नंदूरबार- १, रायगड- १, सातारा- १ आणि सोलापूर- १ असे आहेत.

राज्यातील जिल्हानिहाय ऍक्टिव्ह रुग्णांचा तपशील खालील प्रमाणे आहे –