Maharashtra Corona Update: राज्यात कोरोना उद्रेक, २८,६९९ कोरोना रुग्णांची नोंद

राज्यात कोरोना रुग्णसंख्येचे प्रमाण वाढले आहे. कोरोनाचा प्रादुर्भाव झपाट्याने वाढत असल्याने प्रशसानासमोरील चिंता देखील वाढली आहे. मुंबई,पुणे आणि नागपूरमध्ये कोरोना संसर्गाचा उद्रेक होत असताना दिसत आहे. मागील २४ तासात राज्यात २८,६९९ रुग्णांना कोरोनाची लागण झाली आहे. आतापर्यंतच्या सर्वाधिक रुग्णसंख्येची नोंद झाली आहे. कोरोना रुग्णांची संख्येत झपाट्याने वाढ होत असल्याने काही राज्यात अंशता लॉकडाऊन घोषित करण्यात आला आहे. तसेच कठोर निर्बंधही लागू करण्यात आले आहेत.

राज्यात २४ तासात १३२ कोरोनाबाधित रुग्णांचा मृत्यू झाला आहे. सध्या राज्यातील मृत्यूदर २.१२ टक्के एवढा आहे. तसेच राज्यात २,३०,६४१ सक्रिय कोरोना रुग्ण आहेत. तर आजपर्यंत एकूण२२,४७,४९५करोना बाधित रुग्ण बरे होऊन घरी गेले आहेत. सध्या राज्यात११,७७,२६५ व्यक्ती होम क्वारंटाईनमध्ये आहेत तर ११,८८७ व्यक्ती संस्थात्मक क्वारंटाईनमध्ये आहेत. राज्यात कोरोना रुग्णांची संख्या वाढत असल्यामुळे राज्य सरकारने नव्याने नियमावली जारी केली आहे. कोरोनावर मात करण्यासाठी कोरोना लसीकरण वेगाने पूर्ण करण्याची तयारी राज्य सरकार करत आहेत. तसेच रुग्णांना शोधण्यासाठी ट्रॅकिंग, ट्रेसिंग आणि ट्रिटमेंटवर भर देण्यात आला आहे. कोरोना नियमांचे पालन आणि अंमलबजावणी करण्याचेही सर्व जिल्हाधिकाऱ्यांना आदेश दिले असल्याचे आरोग्य मंत्री राजेश टोपे यांनी म्हटले आहे.

राज्यातील जिल्हा आणि मनपानिहाय रुग्णांचा तपशील पुढील प्रमाणे आहे-