करोना व्हायरसा समुळ नष्ट करण्यासाठी केंद्र आणि राज्य सरकार उपाययोजना करत आहेच. मात्र आता लोकप्रतिनिधींनी देखील आपली जबाबदारी उचलायला सुरुवात केली आहे. दुपारी राज्यपाल भगतसिंह कोश्यारी यांनी आपले एक महिन्याचे वेतन मुख्यमंत्री सहायता निधीला दिल्यानंतर इतर लोकांनीही पुढाकार घेतला. नगरविकास मंत्री एकनाथ शिंदे, राज्यमंत्री बच्चू कडू, राष्ट्रवादी काँग्रेसनेही आपले एक महिन्याचे वेतन आता मुख्यमंत्री सहाय्यता निधीला देण्याचा निर्णय जाहीर केला आहे.
राज्यमंत्री बच्चू कडू यांनी आपल्या ट्विटर हँडलवर याबाबत माहिती दिली आहे. देश आणि राज्य कोरोनाच्या संकटाचा सामना करत आहे. या संकटावर मात करण्यासाठी प्रत्येकाने आपापले योगदान देणे गरजेचे आहे. त्यामुळे मी माझे एक महिन्याचे वेतन देत आहे.
आपला देश, आपले राज्य कोरोना रोगासारख्या संकटाचा सामना करत आहे. या संकटावर मात करण्यासाठी प्रत्येकाने आपापले योगदान देणे गरजेचे आहे.
मी माझे एक महिन्याचे वेतन मुख्यमंत्री सहाय्यता निधीसाठी देत आहे.
आपला
बच्चू कडू@OfficeofUT @CMOMaharashtra pic.twitter.com/TVl2IMyW3N— BACCHU KADU (@RealBacchuKadu) March 26, 2020
राज्यासह देशात कोरोनामुळे लॉकडाऊन घेण्यात आला असून राष्ट्रवादी काँग्रेस पक्षाची एक सामाजिक जबाबदारी म्हणून राज्य आणि केंद्राच्या सदर सहायता कार्यास हातभार लागावा या हेतूने राज्य विधिमंडळ सदस्यांचे एक महिन्याचे वेतन ‘मुख्यमंत्री सहाय्यता निधी’साठी आणि संसदेतील सदस्यांचे एक महिन्याचे वेतन ‘प्रधानमंत्री सहाय्यता निधी’ला देण्याचा निर्णय घेण्यात येत आहे, अशी घोषणा राष्ट्रवादी काँग्रेसचे राष्ट्रीय अध्यक्ष शरद पवार यांनी केली आहे.
कोरोना विषाणूचा प्रादुर्भाव रोखण्यासाठी केंद्र सरकार आणि राज्य सरकार कसोशीने प्रयत्न करीत आहे. ह्या जागतिक महामारीचा संसर्ग रोखण्यासाठी संचारबंदीसारखी पावले उचलावी लागल्याने लोकांचा रोजगार बुडाला असून, शेती व उद्योगधंद्यांवर देखील मोठे संकट ओढवले आहे असेही शरद पवार यांनी म्हटले आहे. दरम्यान सदस्यांनी सदर धनादेश पक्षाचे प्रदेशाध्यक्ष जयंत पाटील यांच्याकडे जमा करावेत असे आवाहनही शरद पवार यांनी केले आहे.
सरकारच्या या सर्व प्रयत्नांना बळ देण्यासाठी आदरणीय @PawarSpeaks साहेब व @NCPspeaks च्या विधानसभा व विधानपरिषदेच्या सर्व आमदार आणि लोकसभा व राज्यसभेच्या सर्व खासदारांनी एक महिन्याचं वेतन देण्याचा निर्णय घेतला आहे.(२/३)
— Supriya Sule (@supriya_sule) March 26, 2020
तर राज्याचे नगर विकास मंत्री एकनाथ शिंदे यांनी देखील आपले एक महिन्याचे वेतन मुख्यमंत्री सहाय्यता निधीसाठी देण्याचा निर्णय घेतला असून तसे पत्रक काढले आहे.