Corona In Maharashtra: चिंता कायम! दिवसभरात ४५९ कोरोनाचे बळी, मृत्यूदरही वाढला

देशात गेल्या काही दिवसांपासून कोरोनाबाधितांची संख्या झपाट्याने वाढताना दिसत आहे. देशात सर्वाधिक कोरोनाबाधित राज्य महाराष्ट्र असले तरी येथील रिकव्हरी रेट गेल्या काही दिवसांपासून वाढताना दिसत आहे. पण वाढता मृत्यूदर राज्यातील चिंता वाढवत आहे. गेल्या २४ तासांत राज्यात १९ हजार १६४ नवे कोरोनाबाधित रुग्ण आढळले असून ४५९ रुग्णांच्या मृत्यूची नोंद झाली आहे. त्यामुळे राज्यातील कोरोनाबाधितांची संख्या १२ लाख ८२ हजार ९६३वर पोहोचली आहे. यापैकी आतापर्यंत ३४ हजार ३४५ रुग्णांचा मृत्यू झाला आहे. सध्या राज्यातील मृत्यूदर २.६८ टक्के एवढा आहे.

Maharashtra reports 19,164 new #COVID19 cases, 17,184 recovered cases & 459 deaths in the last 24 hours, taking total positive cases to 12,82,963 till date, including 2,74,993 active cases, 9,73,214 discharges & 34,345 deaths: State Health Department, Govt of Maharashtra pic.twitter.com/eXaBAP0z27

— ANI (@ANI) September 24, 2020

आज दिवसभरात राज्यातील १७ हजार १८४ रुग्ण बरे होऊन घरी गेले असून आतापर्यंत एकूण ९ लाख ७३ हजार २१४ रुग्ण कोरोनामुक्त झाले आहेत. सध्याचा रिकव्हरी रेट ७५.७६ टक्क्यांवर पोहोचला आहे. आजपर्यंत तपासण्यात आलेल्या ६१ लाख ९० हजार ३८९ प्रयोगशाळा नमुन्यांपैकी १२ लाख ८२ हजार ९६३(२०.७२टक्के) नमुने पॉझिटिव्ह आले आहेत. सध्या राज्यात १८ लाख ८३ हजार ९१२ व्यक्ती होमक्वारंटाईनमध्ये आहेत तर ३३ हजार ४१२ व्यक्ती संस्थात्मक क्वारंटाईनमध्ये आहेत. तसेच राज्यात २ लाख ७४ हजार ९९३ Active रुग्ण आहेत.

राज्यातील जिल्हा आणि मनपानिहाय रुग्णांचा तपशील पुढील प्रमाणे