राज्यात २४ तासांत १९,४७६ रुग्ण कोरोनामुक्त, रिकव्हरी रेट ७५.६५ टक्क्यांवर!

देशात कोरोना प्रादुर्भाव सातत्याने वाढताना दिसत आहे. त्यामुळे आज या पार्श्वभूमीवर देशातील सात राज्यातील मुख्यमंत्र्यांशी पंतप्रधान नरेंद्र मोदी यांनी व्हिडिओ कॉन्फरन्सिंगद्वारे संवाद साधला. यामध्ये महाराष्ट्र देखील होते. देशात सर्वाधिक रुग्ण हे महाराष्ट्रात आढळले आहेत. पण गेल्या आठवड्याच्या तुलनेत सध्या महाराष्ट्रात नव्या रुग्णसंख्येचे प्रमाण कमी होताना दिसत आहे. तसेच राज्यातील रिकव्हरी रेट वाढत आहे. गेल्या २४ तासांत राज्यात २१ हजार २९ नवे कोरोनाबाधित रुग्ण आढळले असून ४७९ रुग्णांच्या मृत्यूची नोंद झाली आहे. त्यामुळे राज्यातील कोरोनाबाधितांचा आकडा १२ लाख ६३ हजार ७९९वर पोहोचला असून यापैकी आतापर्यंत ३३ हजार ८८६ रुग्ण मृत्युमुखी पडले आहेत. राज्यात आज दिवसभरात १९ हजार ४७६ रुग्ण बरे होऊन घरी गेले असून आतापर्यंत राज्यात एकूण ९ लाख ५६ हजार ३० रुग्ण कोरोनामुक्त झाले आहेत. यामुळे राज्यातील रिकव्हरी रेट ७५.६५ टक्के एवढा झाला आहे.

Maharashtra reports 21,029 new #COVID19 cases, 19,476 recovered cases & 479 deaths in the last 24 hours, taking total positive cases to 12,63,799 till date, including 2,73,477 active cases, 9,56,030 discharges & 33,886 deaths: State Health Department, Govt of Maharashtra pic.twitter.com/nNh5UJBpaO

— ANI (@ANI) September 23, 2020

आजपर्यंत तपासण्यात आलेल्या ६१ लाख ६ हजार ७८७ प्रयोगशाळा नमुन्यांपैकी १२ लाख ६३ हजार ७९९ (२०.६९टक्के) नमुने पॉझिटिव्ह आले आहेत. सध्या राज्यात १८ लाख ७५ हजार ४२४ व्यक्ती होमक्वारंटाईनमध्ये आहेत तर ३४ हजार ४५७ व्यक्ती संस्थात्मक क्वारंटाईनमध्ये आहेत. सध्या राज्यात २ लाख ७३ हजार ४७७ ऍक्टिव्ह रुग्ण आहेत.

राज्यातील जिल्हा आणि मनपानिहाय रुग्णांचा तपशील पुढील प्रमाणे…