मनमाड : शहरात नऊ वर्षीय मुलाची करवतीने हात कापून खून केल्याची घटना उघडकीस आली असतानाच शवविच्छेदनामध्ये त्या मुलावर अनैसर्गिक अत्याचार केल्याचे समोर आले आहे. पोलिसांनी हल्लेखोर संशयितास अटक केली आहे. लोकेश सोनवणे असे मृत्यू झालेल्या मुलाचे नाव आहे. राहुल उर्फ सोन्या पवार असे अटक केलेल्या नराधमचे नाव आहे.
लोकेश घरा जवळ खेळत असताना खाऊचे अमिष दाखवून आरोपी त्याला निर्जनस्थळी घेऊन गेला आणि त्याच्यावर अनैसर्गिक कृत्य केल्यानंतर त्याचा निर्घृणपणे खून केल्याचे आरोपीने पोलिसांना सांगितले. याप्रकरणी संशयित आरोपीविरुद्ध अपहरण, खून आणि पोस्को अंतर्गत गुन्हे दाखल करण्यात आल्याची माहिती पोलीस उपाधीक्षक समीरसिंग साळवे, सहायक निरीक्षक प्रल्हाद गिते यांनी दिली. या घटनेमुळे शहर हादरले. नागरिकांमध्ये संतापाची लाट उसळी असून, आरोपीला फाशीची शिक्षा देण्याची मागणी नागरिकांनी केली आहे
नाशिक शहरातील नेहरू भवनजवळ राहणारा लोकेश सोनवणे बुधवार सकाळपासून बेपत्ता होता. त्याच्या पालकांनी सर्व ठिकाणी त्याचा शोध घेतला. मात्र तो मिळाला नाही. शेवटी पालकांनी पोलीस ठाण्यात फिर्याद दिली असता पोलिसांनी अपहरणाचा गुन्हा दाखल केला. त्यांनतर पोलिसांनी मुलाचा शोध घेण्यास सुरुवात केली. गुरुवारी मुलाचा रेल्वे स्थानकापासून काही अंतरावर झुडपात मृतदेह आढळून आला होता. पोलिसांनी सीसीटीव्हीच्या आधारे आरोपी राहुल पवार याला अटक करून त्याची कसून चौकशी केली. मात्र, सुरुवातीला त्याने उडवाउडवीची उत्तरे दिली. पोलिसांनी खाक्या दाखविताच त्याने गुन्ह्याची कबुली देत लोकेश्वर त्याने अनैसर्गिक कृत्य केल्यानंतर त्याची हत्या केल्याची कबुली दिली.
लोकेशच्या मृतदेहाचे शवविच्छेदन नाशिक जिल्हा रुग्णालयात करण्यात आले. शवविच्छेदनामध्ये लोकेशवर अनैसर्गिक अत्याचार करण्यात आल्याचे समोर आले आहे. दरम्यान आरोपी राहुल पवार याला मालेगाव कोर्टात हजर करण्यात आले. कोर्टाने त्याला 3 दिवसाची पोलीस कोठडी दिली आहे. या घटनेमुळे मनमाड शहर हादरले असून काही वर्षापूर्वीच अशीच एक घटना शहरात घडली होती. त्यावेळी शुभम लोढा या बालकाचा निर्घुणपणे खून करण्यात आला होता. या घटनेमुळे त्याची आठवण ताजी झाली. पोलिसांनी अवघ्या काही तासात आरोपीला गजाआड केल्यामुळे मनमाडमधील नागरिकांनी समाधान व्यक्त केले.
