मराठा आरक्षणाच्या मागणीसाठी पुकारण्यात आलेल्या महाराष्ट्र बंद आंदोलन पेटले आहे. या आंदोलनाला हिंसक वळण प्राप्त झाले आहे. मराठा आरक्षणाच्या मागणीवरुन मुंबई, पुणे, सातारा आणि सोलापूर वगळता राज्यभरामध्ये ठिकठिकाणी आंदोलन सुरु आहे. या आंदोलना दरम्यान आंदोलक आक्रमक झाले आहेत. सोमावारी आंदोलनावेळी गोदावरी नदी पात्रामध्ये उडी मारुन जीवन संपवणाऱ्या काकासाहेब शिंदे यांच्यावर आज कायगाव येथे अंत्यसंस्कार करण्यात आले. या अंत्यसंस्कारासाठी औरंगाबादचे खासदार चंद्रकांत खैरे आले असता आंदोलकांनी गोंधळ घालत खैरेंना धक्काबुक्की केली. दरम्यान खैरे काहीच न बोलता घटना स्थळावरुन निघून गेले.
खासदार चंद्रकांत खैरे यांना काकासाहेब शिंदे यांच्या अंत्ययात्रेत धक्काबुकी…
Posted by My Mahanagar on Monday, 23 July 2018
आरक्षणाच्या मागणीसाठी घेतली जलसमाधी
सोमवारी औरंगाबादच्या गोदावरी नदी पुलावरुन आरक्षणाच्या मागणीसाठी काकासाहेब शिंदे या तरुणाने नदीपात्रामध्ये जलसमाधी घेतली. त्याला नदी पात्रातून बाहेर काढून उपचारासाठी घाटी रुग्णालयात दाखल करण्यात आले. मात्र उपचारा दरम्यान त्याचा मृत्यू झाला. काकासाहेब शिंदेच्या मृत्यूनंतर मराठा आंदोलक आक्रमक झाले असून अनेक ठिकाणी रास्तारोका, जाळपोळ, तोडफोड आणि दगडफेक करण्यात येत आहे. प्रशासनाने आंदोलकांच्या मागण्या मान्य करुन लेखी आश्वासन दिल्यानंतरच आज आंदोलकांनी काकासाहेब याचा मृतदेह स्विकारला.
Maha govt has accepted most of the demands of Maratha Kranti Morcha&report for the demand for reservation will be sent to govt shortly. We'll provide ex-gratia of Rs.10 lakh to the kin of youth who drowned in river.His brother will be given a govt job:Uday Choudhary,DM Aurangabad pic.twitter.com/LUsKrjkr3K
— ANI (@ANI) July 24, 2018
शिंदे कुटुंबियांना १० लाखांची मदत जाहीर
काकासाहेब शिंदे या तरुणाच्या घरची परिस्थिती हालाखीची आहे. त्यांच्या मृत्यूमुळे कुटुंबियांवर दुख:चा डोंगर कोसळला आहे. आंदोलकांनी काकासाहेब शिंदे याच्या कुटुंबियांना मदत करण्याची मागणी सरकारकडे केली होती. सरकारने शिंदे कुटुंबियांना १० लाख रुपयांची मदत आणि त्याच्या भावाला सरकारी नोकरी देण्याचे मान्य करत लेखी आश्वासन दिल्यानंतर शिंदे कुटुंबियांनी आणि आंदोलकांनी त्याचा मृतदेह स्विकारला.