वीजबिल भरले नाही तर महावितरण सर्वसामान्यांनचा वीज पुरवठा खंडीत करते. मात्र, मंत्री, आमदार, खासदारांवर कसलीही कारवाई करत नसल्याचे समोर आले आहे. मंत्री, आमदार, खासदारांनी अशा ३७२ जणांकडे १ कोटी २७ लाख रुपयांची वीजबिल थकबाकी असल्याची माहिती समोर आली आहे.
उर्जा विभागाने थकबाकीदारंची यादी जाहीर केली आहे. यानुसार, ३० एप्रिल २०२२ पर्यंत राज्यातील आमदार, खासदार मंत्री यांची १ कोटी २७ लाखांची थकबाकी असल्याची माहिती समोर आली आहे. यामध्ये उपमुख्यमंत्री अजित पवार यांची २५ हजार रुपये, गृहमंत्री दिलीप वळसे पाटील यांची ३ हजार ५४१ रुपये, आरोग्यमंत्री राजेश टोपे याची ४ लाख रुपये थकबाकी आहे. तसेच महसूलमंत्री बाळासाहेब थोरातांकडे १० हजार रुपये, कॉंग्रेस प्रदेशाध्यक्ष नाना पटोले २ लाख ६३, हजार रुपये, राज्यमंत्री विश्वजित कदम यांनी २० हजार रुपयांचे वीज बिल थकवले आहे.
हे आहेत थकबाकीदार
- माजी गृहमंत्री अनिल देशमुख यांची 2 लाख 25 हजार थकीत
- केंद्रीय मंत्री रावसाहेब दानवे 70 हजार रूपये थकबाकी
- आमदार समाधान आवताडे एकूण वीस हजार थकबाकी
- आमदार राजेंद्र राऊत बार्शी 3 लाख 53 हजार रूपये थकबाकी
- आमदार बबनराव शिंदे व त्यांचे आमदार बंधू संजय शिंदे आणि कुटुंबियांची तब्बल 22 विज जोडणीतील तब्बल 7 लाख 86 हजार रुपयांची थकीत
- खासदार रणजितसिंह निंबाळकर यांची चार विज जोडणीतील तीन लाख रुपये
- आमदार संग्राम थोपटे यांची चार विज जोडणीतील 1 लाख रुपये थकीत
- शिवसेना आमदार सुहास कांदे 50 हजार रुपये थकीत
- आमदार रवी राणा 40 हजार रुपये थकीत
- आमदार वैभव नाईक यांच्या औद्योगीक विज जोडणीची 2 लाख 80 हजार थकबाकी
- माजी मंत्री विजयकुमार गावित 42 हजार थकबाकी
- माजी आमदार शिरीष चौधरी 70 हजार थकबाकी
- मंत्री संदीपान भुमरे 1 लाख 50 हजार रुपयांची थकबाकी
- खासदार रजनीताई पाटील यांची 3 लाख रुपये थकबाकी
- आमदार प्रकाश सोळंके 80 हजार रुपये थकबाकी
- आमदार संदीप क्षीरसागर 2 लाख 30 हजार रुपयांची थकबाकी
- राज्यमंत्री संजय बनसोडे 50 हजार रुपयांची थकबाकी
- आमदार अशिष जयस्वाल 3 लाख 36 हजार रुपये थकीत
- आमदार महेश शिंदे 70 हजार रुपये
- माजी मंत्री सुरेश खाडे यांचे कुटुंबीय याची 1 लाख 32 हजार थकबाकी
- सुमन सदाशिव खोत 1 लाख 32 हजार 435
- श्रीमंत युवराज संभाजीराजे 1 लाख 25 हजार 934
- माजी मंत्री सुभाष देशमुख यांची तीन वीज कनेक्शन आहेत मिळून 60 हजार रुपये थकबाकी आहे
- भाजप आमदार जयकुमार गोरे सात लाख रुपये थकबाकी
- माजी खासदार प्रतापराव जाधव दिड लाख रुपये थकीत
