मुंबई : 76 व्या प्रजासत्ताक दिनाचे संचलन दादरच्या शिवाजी पार्क येथे उत्साहात पार पडले. राज्यपाल सी. पी. राधाकृष्णन यांच्या हस्ते ध्वजारोहणही करण्यात आले. यानंतर राज्यपालांनी राज्यातील जनतेला संबोधित केले. मुख्यमंत्री देवेंद्र फडणवीस यांच्यासह प्रशासनातील अनेक प्रमुख अधिकारी यावेळी उपस्थित होते. राज्यपालांनी प्रजासत्ताक दिन संचलनाचे निरीक्षण करत विविध पथकांकडून मानवंदना स्वीकारली. या सोहळ्याला विशेष अतिथी म्हणून दक्षिण ऑस्ट्रेलिया राज्याचे व्यापार आणि गुंतवणूक मंत्री जो झेकॅक्स उपस्थित होते. (सर्व छायाचित्र : दीपक साळवी)
राज्यपालांनी प्रजासत्ताक दिन संचलनाचे निरीक्षण करत विविध पथकांकडून मानवंदना स्वीकारली.
संचलनात आयएनएस विक्रांत, भारतीय नौसेना पोत ‘सुरत’, ‘वाघशीर’ पाणबुडी, तेजस फायटर जेट, ब्राह्मोस क्षेपणास्त्र यांच्या प्रतिकृतीसुद्धा दाखविण्यात आल्या.
मुख्यमंत्री देवेंद्र फडणवीस यांच्यासह प्रशासनातील अनेक प्रमुख अधिकारी यावेळी उपस्थित होते.
भारतीय नौदल, गोवा पोलीस, महाराष्ट्र राज्य राखीव पोलीस दल, बृहन्मुंबई पोलीस सशस्त्र दल, बृहन्मुंबई पोलीस दंगल नियंत्रण पथक, बृहन्मुंबई सशस्त्र महिला पोलीस दल, गडचिरोली आणि गोंदिया जिल्ह्याचे सी-60 पथक, गृहरक्षक दल (महिला) आदींचा यात समावेश होता.
यंदाच्या संचलनात स्त्री शक्तीचा मोठ्या प्रमाणात सहभाग होता.
यंदाच्या संचलनामध्ये ’24 तासांत अष्टविनायक दर्शन’, वनविभागातर्फे ‘आईच्या नावे एक झाड’, आदिवासी विकास विभागातर्फे ‘वाघबारस’, मराठी भाषा विभागातर्फे ‘अभिजात मराठी’ यांसह वाहतूक विभागाच्या चित्ररथांचा समावेश करण्यात आला होता.
