नाशिकमध्ये टोमॅटोचा दर घसरल्याने टोमॅटो रस्त्यावर फेकून देण्याची वेळ शेतकऱ्यांवर आली आहे. नाशिकमध्ये एक किलो टोमॅटो २ रुपयाने विकला जात आहे. टोमॅटोचा दर मातीमोल झाल्यामुळे शेतकरी चिंतेत आला आहे. टोमॅटोच्या उत्पादनासाठी केलेला खर्च देखील निघत नसल्याने शेतकऱ्यावरी पुन्हा एकदा अडचणीत आला आहे.
Nashik: Tomato price drops to Rs.2 per kg in wholesale market. Large quantities of tomatoes dumped on roads. A vegetable vendor says, "I had spent Rs. 80,000 on 1 acre of land for tomato produce. I've got no return, there's no market for tomatoes." #Maharashtra pic.twitter.com/mYU30N4YK0
— ANI (@ANI) September 1, 2018
टोमॅटो २ रुपये किलो
श्रावण महिन्यामुळे भाजीपाल्याची मागणी वाढल्याने दर देखील वाढतात. श्रावणात भाजीपाल्याची आवक वाढल्याने भाज्यांदे दर घसरले आहेत. त्यामध्ये टोमॅटोचे दरात मोठ्याप्रमाणात घसरण झाली आहे. नाशिकमध्ये टोमॅटोचा दर प्रतिकिलो दोन रुपये झाला आहे. त्यामुळे शेतकऱ्यांनी अक्षरश: रस्त्यावर टोमॅटो फेकून दिला आहे.
शेतकऱ्यांनी टोमॅटो रस्त्यावर दिले फेकून
टोमॅटोचा दर्जा चांगला असला तरी टोमॅटोला दर चांगला मिळत नसल्याने शेतकरी अडचणीत आला आहे. नाशिक आणि मनमाड मधील शेतकऱ्यांनी टोमॅटोची तोडणी करुन गुरांना खाऊ घातला तर काही शेतकऱ्यांनी तो फेकून दिला. एका शेतकऱ्यांनी एका एकर टोमॅटोसाठी ८० हजार रुपये खर्च केले. मात्र आता टोमॅटोच्या उत्पादनासाठी, काढणीसाठी लागणारी मजूरी आणि वाहतूकिचा खर्च देखील निघत नसल्याने शेतकऱ्यांवर टोमॅटो फेकण्याची वेळ आली आहे.