उच्च शिक्षणासाठी परदेशात जाणार्या विद्यार्थ्यांची संख्या मोठी आहे. अशा विद्यार्थ्यांना परदेशात जाण्यापूर्वी कोरोनावरील लस देणे गरजेचे आहे. शहरात अशा ४९७ विद्यार्थ्यांना लस देण्यात आली आहे.
जगभरात कोरोनाचा प्रसार आहे. हा प्रसार रोखण्यासाठी लसीकरण मोहीम सुरू आहे. देशाबाहेर शिक्षणासाठी जाणार्या विद्यार्थ्यांचे लसीकरण करणे गरजेचे आहे. त्यासाठी महाकवी कालिदास कलामंदिराशेजारील महात्मा फुले कलादालनात हे लसीकरण केले जात आहे. अमेरिका, युरोप व इतर बहुसंख्य देशांमध्ये कोविशील्ड ही लस मान्यताप्राप्त असल्यामुळे या विद्यार्थ्यांना कोविशील्ड लस देण्यात येत आहे. केवळ लसीकरणाअभावी नाशिक जिल्ह्यातील विद्यार्थ्यांचे व व्यवसायिकांचे नुकसान होऊ नये, म्हणून हा निर्णय घेण्यात येत असून त्याचा लाभ घ्यावा, असे आवाहन महापालिका आयुक्त कैलास जाधव यांनी केले आहे.