झेंडूच्या केशरी रंगाची तोरणं, हार, आपट्याच्या पानांची देवाण-घेवाण आणि गृहखरेदीसह नव्या वस्तूंच्या खरेदीचा आनंद अशा उत्साहभरल्या वातावरणात आज दसर्याचा सण सर्वदूर साजरा झाला.
दसर्याचा दिवस साडेतीन मुहूर्तांपैकी एक असल्यानं सोनं-चांदी खरेदीसाठी नाशिककरांनी सराफी पेढ्यांमध्ये गर्दी केली होती. या प्रतिसादामुळे सराफ बाजार उजळून निघाला होता. गेल्या काही दिवसांपासनं सोन्याच्या दरांत घसरण झाल्यानं ग्राहकांसाठी ही सुवर्णसंधी होती. सराफा बाजारात आज २४ कॅरेट सोन्याचे दर १० ग्रॅमसाठी ४७ हजार ७५०, तर २२ कॅरेटसाठी ४६ हजार ४०० रुपये होते. चांदीचा दर प्रतिकिलोसाठी ६५ हजार रुपये होता.