करोनाच्या पार्श्वभूमीवर शहरात संचारबंदी करण्यात आली आहे. अत्यावश्यक सेवेकरिता ज्यांना रुग्णालय किंवा एका ठिकाणाहून दुसऱ्या ठिकाणी जाण्याची गरज आहे, अशा नागरिकांनी त्यांचे नाव, मोबाइल क्रमांक, अडचणीचे स्वरूप, कुठून कुठे आणि कधी जाणार, स्वतःचे ओळखपत्र आणि ज्या रुग्णालयात जायचे आहे, त्याची माहिती पोलीस नियंत्रण कक्षाशी संपर्क साधून पोलीस अधिकाऱ्यांना व्हॉट्सअप पाठवावी लागणार आहे.
संचारबंदी काळात आरोग्य विभाग, पोलीस, अत्यावश्यक सेवा, जीवनावश्यक वस्तू व आपत्ती निवारण व्यस्थापन यांच्याशी निगडित कामासाठी प्रवास करण्यास पोलिसांची परवानगी आवश्यक आहे. त्यासाठी नाशिक शहर पोलीस आयुक्तालयामार्फत “कोरोना पोलीस मदत कक्ष” तयार करण्यात आला आहे. नाशिक शहाराअंतर्गत संचारबंदी काळात अत्यावश्यक सेवेकरिता ज्या नागरिकांना दवाखाना व त्याच्या अनुषंगाने एका ठिकाणाहून दुसऱ्या ठिकाणी जाण्याची गरज आहे, अशा नागरिकांनी त्यांचे नाव, मोबाइल क्रमांक, अडचणीचे स्वरूप, कुठून कुठे आणि कधी जाणार, स्वतःचे ओळखपत्र, ज्या रुग्णालयात जायचे आहे, त्याची माहिती पोलीस नियंत्रण कक्षाशी संपर्क साधून पोलीस अधिकाऱ्यांना पाठवावी, असे आवाहन पोलीस आयुक्तालयामार्फत करण्यात आले आहे.
संपर्कासाठी व्हॉट्सअप क्रमांक
7020583176
8485810477
7709295534
9373800019
0253 2971233 (औद्योगिक परवानगी करीता)
