विभागीय उपायुक्त प्रसाद सुर्वे, अधीक्षक चरणसिंग राजपूत यांच्या अखत्यारितील भरारी पथकांना मिळालेल्या गुप्त माहितीवरून दोन वाहनांना ताब्यात घेण्यात आले. त्यापैकी थांबण्याची सूचना केल्यानंतरही पळ काढलेल्या एका स्विफ्ट डिझायर कारला पथकाने पाठलाग करून उंबरठाण शिवारात पकडले, तर निंबारपाडा राशागावरोड येथे ट्रकमध्ये मोठा मद्यसाठा आढळून आला. ही दोन्हीही वाहने गुजरात पासिंगची आहेत. ट्रकमध्ये आढळून आलेल्या मद्यसाठ्यात जॉन मार्टिन प्रिमियम विस्की, इम्पेरियल ब्ल्यू विस्की, हायवर्ड्स स्टाँग बिअर असे ४५ बॉक्स होते.
या पथकामुळे मोहीम फत्ते
उत्पादन शुल्क विभागाचे निरीक्षक एन. एम. खांदवे, दुय्यम निरीक्षक एस. एस. बनसोडे, जवान लोकेश गायकवाड, संजय सोनवणे, महेश खामकर, महेश सातपूते, सुनीता महाजन यांच्या पथकाने ही मोहीम फत्ते केली. याप्रकरणाचा पुढील तपास दुय्यम निरीक्षक सुरेंद्र बनसोडे करत आहेत.
