नाशिक : कोराेनाबाधित पतीच्या मृत्यूनंतर पतीचा विरह सहन होत नव्हता, त्यात ७ वर्षीय चिमुकली वडिलांची सतत आठवण काढत होती. त्यानंतर वडील जिकडे गेले तिकडे आपण जाऊ असे चिमुकलीने सांगितल्यानंतर तिच्या नैराश्यात सापडलेल्या मातेने चिमुकलीसह गळफास घेत जीवन संपवल्याची हृदयद्रावक घटना घडली.
सुजाता प्रवीण तेजाळे (३६) व अनया प्रवीण तेजाळे (७, दाेघी रा. सुखसागर अपार्टमेंट, विनयनगर, नाशिक) असे या मायलेकीचे नाव आहे. शुक्रवारी (दि. १) राेजी सुजाता व अनया यांनी संगनमताने बोलून आत्महत्या केल्याचे मृत्यूपूर्व लिहिलेल्या चिठ्ठीतून समोर आले आहे. सुजाता यांनी लिहिलेली सुसाईड नाेट पाेलिसांच्या हाती लागली असून, सुजाता यांचे दीर अशाेक तेजाळे हे सुजाताच्या घरी गेले तेव्हा हा धक्कादायक प्रकार उघडकीस आला.
