शिंदे गावाजवळ ट्रक जळून खाक

शिंदे गावाजवळील भांगरे मळा येथे आयशर कंपनीचा ट्रक (एमएच-१५, इजी-९४७३) मालक विजय नारझिरे यांनी घरासमोर उभा केलेला होता. मध्यरात्रीच्या सुमारास नारझिरे झोपेत असताना सव्वा वाजेच्या सुमारास त्यांच्या शेजारील परशुराम तापारे यांनी ट्रक जळत असल्याचे सांगितले. त्यानंतर ट्रकमालक कुटुंबासह घराबाहेर आले व आग विझवण्याचा प्रयत्न केला. पोलीस पाटील रवींद्र जाधव यांना कळविण्यात आल्यानंतर त्यांनी अग्निशमन दलाला माहिती दिली. त्यानंतर अग्निशमन दल व पोलीस पथक तातडीने घटनास्थळी पोहोचले. अग्निशमन जवानांनी पाण्याचा मारा करून आग विझवली. ही आग नेमकी कशाने लागली याचे कारण समजू शकलेले नाही.