विनापरवाना अवैधरित्या देशी दारूचा साठा आणि विक्री केल्याप्रकरणी अंबड पोलिसांनी एका महिलेला अटक केली. आठवलेनगरातील या छाप्यात पोलिसांनी ३७ हजार ४९४ रूपयांचे १५ बॉक्स जप्त केले.
यशोदा राजेश देवकर (रा. आठवलेनगर, चुंचाळे, रामकृष्णनगर, अंबड-सातपूर लिंकरोड) असे अटक केलेल्या महिलेचे नाव आहे. यशोदा देवकर ही आईच्या घरात देशी दारू विकत असल्याची माहिती पोलिसांना मिळाली होती. पोलिसांनी छापा टाकत पत्र्याच्या शेडमध्ये दारूच्या बाटल्या दिसल्या. छाप्यात १५ बॉक्समध्ये ४८ काचेच्या १८० मिली सीलबंद बाटल्या आढळून आल्या. ही कारवाई पोलीस उपनिरीक्षक म्हात्रे, पोलीस हवालदार संपत सहादू सानप, महिला होमगार्ड रेखा राजगुरू, कांता मिसाळ, अविनाश देवरे, आव्हाड, वजीरे यांनी केली.
